華東之旅~ 蘇州園林

行完南京
跟住果站我地又坐長途車返回江蘇地區的蘇州
江南以園林最出名
所以我地黎到蘇州
最主要的景點亦都係參觀下當地的園林特色...

由天氣好凍的南京返回蘇州
都仲係覺得好凍
可能真係踏入冬季
天氣特別寒冷
大約只有6-12 度

黎到蘇州，第一個景點就係寒山寺
雖然寒山寺同寒冷冇乜關係
但係呢度畢竟0係山上
點都凍D...
寒山寺之所以咁出名
都係因為一首詩
尤其係最尾果句最為人熟悉
大家都要黎呢度敲一敲個鐘先心息~
冇辦法啦~
「夜半鐘聲到客船」嘛~
不過中國人都幾識搵錢
入去敲一敲個鐘就收人地五蚊
雖然唔係貴
但係就小數怕長計喇...
係咪真人係保平安?!
信則有不信則無啦~~~

  


跟住黎就係我地第一個自費節目喇~
唉~
我地睇完寒山寺已經天黑喇~
再去坐小船遊蘇州古運河
真係乜都睇唔到~
據說呢條河係以前皇帝用黎運江南一帶D 絲綢、鹽等豐富物資上京的
所以叫古運河
而呢條河係可以直上北京、南京等地...
好可惜我地去果時呢條河維修緊
所以我地只係可以遊一小段之後調頭上岸~
不過夜晚都冇乜好睇
睇係見到城牆上面D 燈、加埋樹上D 燈
That's all~
呢個自費節目比較唔抵呀~


  
夜景都好似幾OK gei~
不過就乜都睇唔到囉....
聽說果度D 屋好環保架
會用太陽能發電
所以每間屋都會有太陽能吸熱板...勁呀!




遊完古運河都好夜喇
我地食完晚飯就返酒店...
同樣係四星酒店
不過比無錫果間差D
玩左幾日，今晚好累...好早就訓...

第二朝蘇州之旅我地就先去左耦園
呢個園林0係江南都好出名
最初係由一對夫婦興建用黎共築愛巢
所以入面有一對對聯寫佢地住0係入面有幾開心架~
好可惜佢地住0係呢度的時間唔耐
但係入面的景色就真係一絕
尤其個假山
係命人由黃石搬來的石砌出來的假山
真係堆砌得好真亦都好有氣勢!

  
影唔到上一句添~
有興趣的話不妨上網 search 一 search~

  
景色唔錯bor~~~
唔怪得住0係呢度的人咁開心啦~


  
睇下假山幾險峻!!!


離開耦園
我地去左絲綢廠睇人抽絲剝繭
蠶絲水又真係有層油bor
聽說話對皮膚幾好
之後就梗係俾人叫我地買蠶絲被啦~
好可惜我屋企話唔要
所以我都費時買喇~
跟住0係絲綢廠"磨"左好耐
我地唯有坐低打機啦~
之後就0係絲綢廠隔離的"Can Ting" 度食午飯喇~

吃飽之後
我地坐車遊好有特色的金雞湖湖濱大道
呢條長長的路四周都種滿花草樹木
俾人感覺好似置身於園林當中
而且四周的建築..好似燈柱咁
都好有古代氣息
所以置身其中就好似踏進園林入面一樣~
(以上都係根據導遊的描述而記載，我果時好眼訓，差D 訓著)

最後我地黎到湖濱大道的盡頭
就係面對古運河的一個公園
有大橋、有河、有園林建築、有人物造型...
算喇...大家都係睇相啦~

  


  
連廁所都要整到古代建築
真係上個廁所都風雅D 呀~


大家隨隨便便影完相之後
又開始我地的蘇州旅程
今次黎到最後一站
呢一站其實已經離開蘇州城區喇~
靜思園位處比較偏遠
建於蘇州與上海之間的同里
0係蘇州要坐成四十分鐘車程先能夠到達...

靜思園最出名就是石頭
黎得靜思園的都必定會睇下石頭
由於呢個園林係近代興建的私家園林
所以入面的一磚一瓦以至石頭
都係陳金根先生自己的收藏品
唔知道的人還以為這是普普通通的一個古典園林
其實這是近代仿照古時而興建的一座私家園林
整個園林還未完成
所以我們今次遊覽的只是園林的一部份
有一部份是私人住宅，不予開放
而另外一部份還未建成，不能參觀

  
靜思園裡最出名的石頭
一眼看去便知是什麼!
靈龜嘛~


  
這個是有名堂的
可是我已經忘記了...
只知道我們站在的那條橋，也像相片中的一樣，只是小一點
而且兩邊也有...
所以我們身處的是中間是那條橋



離開靜思園...
就意味著蘇州的園林已經告一段落
接著...我們要到繁華的上海!



This album is powered by
BubbleShare
- Add to my blog