華東之旅 ~ 無錫篇

今次呢個華東七天團，會由香港出發去杭州
行晒杭州、無錫、南京、蘇州同埋上海
正正式式的全華東之旅
雖然時間上係緊迫左D
不過能夠每處地方都遊覽一下
體驗不同地方的民族風情
其實都幾唔錯~

第一天飛到杭州之後
我地食完中午飯就立刻坐車去無錫
午飯地點係杭州花中城總店
入面好靚架~~~
不過由於太早食飯，又唔夠訓
所以你請我食龍肉都冇味~




D 碗碟筷子都好精美喎~~~



食完飯就坐車過無錫喇~
大約坐左三個鐘長途車
終於0係下午時份到左無錫的寄暢園
雖然話就話係下午
其實果時四點幾已經開始天黑
搞到我地影相成日都手震!
冇法啦~ 入冬嘛~
日短夜長~~~
所以今次我地呢個都要好早起身!


寄暢園其實係錫惠公入面的一個好出名的園林
北京頤和園的一部份也是仿傚寄暢園而建成
而且清代皇帝每次下江南亦會到寄暢園遊覽
可見呢個園林的風景有幾靚喇~



嘩~ 呢個借景真係好靚
中間紅色果棵係戚樹
好靚呀~~~

入面仲有「天下第二泉」
有位古人還以呢個地方作左首「二泉映月」
此曲之悲涼令當時的人一聽便流淚
所以到而家呢首曲都係咁出名
http://www.hischool.net.cn/shj/mtv/yy.htm


由於今朝早機
大家都冇乜訓到就去左機場喇
所以今晚好早食完晚飯就返左酒店lu~
酒店位於無錫馬山區
附近好靜，冇乜野行
我地都唯有0係酒店度休息一下啦~
不過聽講話我地間酒店對住太湖
風景應該好靚~
好可惜我都冇特登去留意
夜晚落左去coffee shop 飲茶果時都只係覺得好黑好靜
不過杯飲野都幾貴
一杯苦丁茶要成RMB 25
但係0係大陸嘆茶好得意
有得免費加水
所以如果可以坐好耐
咁都幾抵o既~

第一晚我地住呢間酒店: http://www.saintylakeside.com/bbhy.htm


第二朝起身就去與佛同緣
好可惜天公不做美
0係模模糊的天氣之下
我地好冇緣咁見唔到靈山大佛個頭
唔通我同佛祖真係冇緣
唉~~~
佛祖你顯靈賜我多D 錢啦~~~
一場黎到，我都想見下你個盧山真面目呀~

睇完佛之後就係購物時間
今次我地去左太湖珍珠店睇師傅開蚌羅珍珠
太湖果邊D 珍珠全部都係淡水湖的養珠
所以粒粒都色澤均勻
而且每隻蚌最多可以有成四十粒珍珠
唔同養份同陽光的吸收可以形成唔同色彩的珍珠
最平的就是白珠
其次就是粉珠同埋紫珠
最貴亦都最罕有的就是金珠喇~
聽講話而家已經唔會再有金珠喇!
師傅還教我們點樣去分真假珍珠
不過我就建議大家唔好用呢個方法喇~
佢就叫我地將條珍珠練在玻璃上面刮幾下
睇下有冇珍珠粉
假的唔會有
只有真的珍珠粉才有
哈哈....我就奉勸大家
當你地用呢個方法去分真偽果時
小心你條頸練變成珍珠粉末呀!


我地0係度估緊有幾多粒珍珠
估中有一瓶珍珠膏呢~~~
27~ 18~ 32~......
最後結果係......30!!!


0係無錫的最後一站就係宜興的紫砂茶壺專賣店
呢度的紫砂茶壼真係好出名
前幾年阿爸阿媽黎華東果時都買左兩套返屋企
所以今次我都冇諗住要買
果度0既副管長介紹左幾套紫砂茶壼俾我地
最實際的可以算是「水上飄」喇
佢個茶壼個咀唔會漏水
個蓋成九十度都唔會跌
而且好容易從氣孔控制出水
最得意的就是將茶壼放在水裡
它會浮起
即是按下去，亦會自動浮返上水面
好得意~
聽說近年有香港人以幾十萬投得某位大師製作的「水上飄」
現在為了紀念這位大師
亦都推出紀念版「水上飄」
價錢亦都唔貴~
不過值唔值就見仁見智喇~
點解?! 自己去google 度search 下咪知囉~



This album is powered by
BubbleShare
- Add to my blog