華東旅行 ~ 杭州古街、湖濱

0係杭州的時間相對黎講較長
行程入面多左好多自由時間
所以我地成日都覺得好似去左杭州好耐咁樣
亦都俾我覺得好似日日都去行西湖
已經行到好悶...哈哈...

最後一天的旅程上午係自由時間
我睇左旅遊書之後就好想去清河坊呢條坊古街度行下
聽說有D 古舊建築，亦有好多得意野賣...





清河坊呢度都幾得意
到處保留住清朝時期的建築
仲有D 特色建築0係附近
最搞笑係我地見到一檔賣人型公仔的
話十五分鐘就搞掂
都唔知係咪真係咁犀利
不過要成百二蚊一個，好似太貴喎~~~

仲有就係有好多古老玩意賣喇~
例如麵粉公仔啦，冰糖葫蘆啦...
有D 我都唔記得lu~
不過有樣勁核突囉....就係食生蝎子喇....
呀~~~~ 頂佢唔順呀!!!
跟住我地見有間古老藥房有咩咩開放俾人睇喎
於是我地又入去行左個圈
入面真係充斥住舊時的賣藥風氣呀~
大家坐低0係度等睇醫師啦~
又有好多人0係度執藥啦~
入面又有好多櫃桶仔啦~
總之入面亂七八糟...好有古代繁華果種景像...

行完古街時間尚早
我地就0係附近公園坐低再"度"下我地下站行程喇~
結果我地決定上去附近的吳山天風
我地0係搵路其間
有個阿婆好好心咁同我地講
話上面冇乜野睇架...仲叫地去睇瀑布添~
到家陣我都仲未搵到條瀑布0係邊
因為我地個地圖唔夠大，所以佢都話唔到俾我地聽0係邊...哈哈~
又問我地有冇去睇龍井問茶啦，雷峰塔啦等等...
不過最後我地都因為時間唔係好夠
冇聽到佢意見，繼續我們的吳山天風行程
上到去，發現要俾錢先入到去城隍閣入面睇風景
入面好大下架...
由於我地行得半個鐘，所以只係0係出面逛下就算lu~

最後行落山果時見到杭州歷史博物館
見仲有少少時間，就入左去行左半個圈喇~
入面主要都係介紹下D 文物
同埋杭州自古以黎的發展咁樣
有D 都幾值得去睇~
有時間都可以去下...

呢個就係舊杭州風貌喇~
個模型做得好細緻架...連入面D 人做緊咩都睇到!!!


行到差不多夠鐘就返酒店
返到酒店執埋D 野check-out 我地就去食飯喇~
不過好gap 囉~
我地返到去果陣有團友話過左時入唔到房
於是叫我地試下...
咦~!!! 我地都係bor~
唯有叫清潔嬸嬸幫我地開返度門啦~~~
(邊有咁0既酒店架，我地又未check-out，點會唔俾我地入去架!!!
更何況應該係十二點鐘check-out 架嘛.....!!!)

0係杭州最後一餐團體餐我地去左同旅行社老闆有關係的一間泰國菜舖頭
今餐係唯一一餐唔係食中國菜的
入面裝修好有熱帶風情味道
仲貼左好多香港明星黎過呢度的相...
好多道菜都係咖喱的
唔算太好食不過都尚可接受
最好食就係D 飯喇~
泰國香米嘛!!!
好耐都冇食過D 咁香咁軟0既飯喇~
呢七日都係食中國米
點都唔及呢D 泰國米咁好食!
食完飯仲有樂隊唱歌同跳舞
我仲俾人拉左出去跳舞添~! :P

食完午餐我地就去行湖濱街喇~
成條湖濱大道係好長架!
導遊俾左成個半鐘我地行
仲話可以遲到添~!
又介紹左D coffee shop 同餐廳俾我地
但係最後我地都係0係湖濱大道行左個幾鐘
好彩今日有太陽，雖然都算係幾凍架!
哈...好耐冇咁悠閒去行公園lu~ (或者叫湖濱啦)
得閒到我地可以唔趕時間咁慢慢行，周圍影下相
去旅行0既日子真係開心喇....
如果可以留0係度多幾日就好lu~


行完湖濱街
我地就搭車去左另一邊的西湖博物館
呢個博物館係新開的
主要係介紹返西湖十景同新十景
再加埋西湖的歷史、西湖附近的建築及發展
仲有西湖的生態等等...
最搞笑係二樓有個藝術展
可惜實在太抽象喇
我地完全估唔到佢係想表達D 乜
最終要睇返個介紹先知每件作品的含意~


天下西湖三十六
原來全中國有成三十六個西湖架!
早知唔駛黎咁遠睇西湖啦~ :p


西湖博物館附近
就係我地呢個行程的最後一個景點"柳浪聞鶯"喇~
呢個公園因為種左好多柳樹而出名
好可惜我地去到果時天都開始黑喇
所以影D 相都唔係太靚~~~

0係呢度逗留的時間並不多
最主要係因為我地要食埋個晚飯先搭車去上機
所以我地匆匆影完相就去搵野食喇~
其實我地都係求其搵間cafe 坐低就叫野食喇~
個商務餐都幾抵呀~
RMB 28 就有一個好精美的"飯盒"
仲平過我壼水果茶呀~!
我地每人叫左個商務餐加多壼茶
咁就夠飽又夠嘆lu~
食完飯嘆完茶...又係上機0既時候喇...
咁就過左七日
真係話長唔長、話短唔短喇~~~

有機會我一定會再次黎杭州渡假0既~




This album is powered by
BubbleShare
- Add to my blog

華東之旅 ~ 杭州西湖

0係杭州住左兩晚
所以感覺上0係杭州的時間好耐
因為之前果D 地方都係留一個夜晚同一個朝早only
去到杭州之後
我地有大把時間去遊覽
所以節奏即時慢左落黎
去到處參觀的時間都是有多冇少
可謂真正的享受人生

第一晚到達杭州已經係夜晚七點幾八點
食完個晚餐就即刻返酒店
返到酒店已經成九點幾lu~
等埋行李成十點
所以果晚我地都冇出去行夜街...

訓左一晚第二朝起身
就係正式開始我地杭州的行程
首先我地去到杭州好出名的西湖行花港觀魚公園
呢個幾乎係每個旅行團都必到的景點
花港觀魚公園好大
加埋坐船我地就行左一個上午
不過由於我地唔趕時間
所以行得好慢~ 哈哈~

  

花港觀魚最主要的景點當然係"魚"啦~
我地行到中間的池塘
就見到好多魚0係池塘度游黎游去
好生猛咁呀~
之後又見到大草地、同埋好多白鴿同鸚鵡
一個好靚好舒服的公園
如果閒時可以黎呢度行下休息下
人生你話係幾咁美好呢~~~

  

哈哈...好鬼搞笑架~
D 人0係度餵白鴿
我就0係度扮餵喎~
點知我一攤開手掌
諗住話佢知我冇野食俾佢啦~
佢就俾我嚇到即刻張開雙翼行開左
oh~ 乜咁易嚇親0既~
我可能成為左佢0既陰影添!

  


跟住我地就坐呢隻叫"銅畫坊"的船去遊覽西湖喇~
Actually 我覺得好悶
因為船頭好凍又多蚊
所以我地只係坐0係入面冇玻璃窗的地方賞湖
但係D 景色又唔係好特別
就算有導遊介紹都只係遠遠望見D 名勝同埋風景點
感覺只係好一般
我差D 悶到訓著左~~~
  

斷橋殘雪係西湖十景之一
我地坐0係船上遊覽時亦都可以見到斷橋
不過冇雪景襯托
其實亦只係一條普通的橋而已...
  

最後我地落船漫步有"情人路"之稱的蘇堤
到蘇堤的盡頭
有蘇東坡的石像
我們和蘇東坡影完相
便是今次參觀花港觀魚的結尾~

接著我地去到"梅"字村睇炒茶同嘆龍井
果位姐姐講左好多龍井對糖尿病的益處
好可惜我屋企仲有一罐
而且龍井對我身體黎講亦都太寒涼喇~
所以我係唔會買的...

  
嘩...種左好多茶樹呀~


跟住我地途經錢塘江畔
就落去影左兩張相喇~
據說西湖是錢塘江的一條支流
所以西湖水亦即是錢塘江水
不過個錢塘江畔就真係冇乜野好睇
其實亦只不過係馬路邊
我地影左兩張"到此一遊"相就走左lu~

行左咁耐大家都肚餓喇~
於是我地下一站就去左花中城分店"藕香居"度食飯
呢間餐廳真係幾靚
連出面的花園仔同埋入面的裝修都咁靚~
聽說當晚仲有人0係度擺酒添~
所以呢兩晚都聽到有人燒煙花呢~~~
  


食完飯我地就行去雷峰塔
由於舊雷峰塔已經倒塌
所以近年市政府就興建左座新的雷峰塔供遊客參觀
亦可保留西湖十景之一的「雷峰夕照」
相傳雷峰塔係花海和尚為鎮壓住白素貞而建立的
所以當地百姓相信雷峰塔的磚頭可以驅邪趕鬼
於是偷下一塊，再偷下又一塊
以至雷峰塔終於倒塌~
相信白蛇傳故事大家都略有所聞吧~
現在的雷峰塔已經現代化了
有電梯啦~ 內裡裝修亦很豪華啦~
每層亦都介紹了雷峰塔的不同特色
不過現在雷峰塔還在興建中
所以有D 地方仲見到有D 裝修工人0係度做緊野...

  

上到雷峰塔就會睇到西湖全景
0係呢度睇西湖全景就係最靚架喇 (導遊話0既~)

重建雷峰塔時發現舍利子
所以0係雷峰塔旁特登建了一座寺廟專擺放舍利子的
我地去完參觀就走lu~

之後坐車去左西湖天地
杭州西湖天地同上海新天地係同一個集團興建的
所以風格都係差不多
所不同的是...西湖天地並沒有大型商場
只有一個在西湖旁的公園及很多西餐廳
仲有個金牛池，入面果隻金牛好似幫助過杭州渡過旱災
所以特登起返個金牛池去紀念它的~
不過相傳因為有人借佢黎搵錢
所以自此之後佢就冇再出現lu~
  

行過去西湖天地的路上
我地見到好靚的夕陽
於是大家就停低影左好多相喇~~
  


匆匆行完西湖天地
我地就去搵咖啡店喇~
因為南山路附近有好多cafe 0既~
不過距離西湖天地就比較遠少少
我地唔係好多時間
所以唯有揀左間0係索菲特大酒店地下的一間咖啡店
呢間cafe 0係外面望係好high cast 的
入到去個感覺都好一流~
梳化好闊好舒服，到處都是閒談的人，又或是傾生意上網的人...
由於我地時間好唔夠
所以好快咁飲完杯茶就走返去集合lu~
oh! 我杯蜜桃茶仲剩返好多呀!
不過唔係太好飲~ 哈哈~
  

唔講都唔知原來佢係一間遍佈全國的咖啡店
起初我仲以為佢係一間酒店的附屬cafe
點知原來好多度地方都有架!!!
下次你地返中國睇下搵唔搵到"兩岸咖啡"...哈哈~

集合左之後我地就搭車去西湖旁的湖濱大道附近
今晚果餐係自費
所以我地就去左杭州好出名的"知味觀"度食喇~
杭州好多店舖都係採取自助形式
知味觀的一樓小食部亦係一樣
我地叫左其中一樣好出名的"貓耳朵"
仲有小窩包包、牛肉粉絲同埋一樣我都唔記得左名堂的食品
只係知道果種食品我成日都係香港食到
將腐竹打一個結果D 呢....
最出名的貓耳朵都唔錯
不過唔算得上係極品
只係好普通的一味小吃
其他的都係麻麻地
有D 唔明點解會咁出名...
下次去你地可以試下小籠包
果度D 小籠包都好出名
  

食完野仲係好早
我地決定唔跟旅遊車返酒店
於是就搭的士去左武林門廣場附近行下
不過全部都係大型百貨公司
冇乜好行
行左一陣發覺冇咩好睇就搭返的士返酒店lu~

返到酒店都只不過係九點幾
我仲有D 肚餓
於是去酒店附近行下搵野食喇~
其實酒店行冇幾遠就係好出名的"張生記"
不過我地夾唔岩時間
所以冇去到...
而且佢都好早收舖
夜晚五點幾就開始有人排隊
所以要去試的話
一定要一早去排隊喇!

我地去左酒店附近的"咬不得"食左一碟三蚊四隻的鮮肉餃子
正呀!
入面都幾多汁呀!
之後就去左杭州永和食左塊燒餅同埋飲左碗豆漿
嘩! 碗豆漿煲"窿"左...好難飲呀!
塊燒餅雖然我地睇住佢即搓即整
但係呢....好鬼成硬!!!
不過夾埋先係四蚊
算啦~
杭州真係乜都輕自助
但係自助得黎又好搞笑喎~
因為我地去買完飛叫左野食之後
就咁走去搵個位坐低
就會有人幫我地拎食物黎我地度喇
完全唔駛自己出去拎
好搞笑~
都唔知點解D 人會記得晒咁多客人
可能杭州d 食肆一向都唔係太多人掛~ 哈哈~
  

華東之旅 ~ 桐鄉烏鎮

離開繁華的上海
我地再次走入山水之地
由上海到杭州
中間途經桐鄉及烏鎮
所以我地個行程都有安排到呢兩個地方度睇下...

  

烏鎮其實係桐鄉入面的一個水鄉
它之所以咁出名
係因為劉若英的一套"花樣年華"而促成
江南其實大大話話有七十幾個水鄉
要去晒就冇乜可能架喇...
但係點都要揀一個去睇下0既~

  


烏鎮受到政府的保護
所以到處都依然散發出一個江南水鄉的特色
除左有一些人為因素令烏鎮變成了"示範單位"外
那裡的村民其實都保持住佢地古舊的生活方式
最impress 係參觀酒廠
雖然果度都變成左旅遊參觀景點
但係依然見到D 人點樣釀酒
仲要0係木筒一殼一殼咁拿出黎俾我地試酒
好有風味...

仲有參觀江南百子床
聽左好多歷史
同埋用板藍根的染布坊
好有特色....

不過黎到水鄉當然係想睇下當地人民的生活
終於0係搭小船出返去門口果時見到喇~
見到當地人0係河邊洗衫啦~
取水洗菜煮飯啦~
將洗菜水倒回河流啦~~~
真係睇到當地人0係點生活架....
雖然科技就在不遠處
但係佢地堅持用自己的方式生活
可能有D 野，係生活0係科技發達的現代人永遠都得不到的...

  


離開烏鎮
我地坐車去品嘗杭白菊花茶
由於阿媽叫我幫佢買D 菊花返去
加上我自己都好鍾意飲
於是就大舉入貨喇~~~

桐鄉D 杭白菊真係幾靚
好清香好好飲~
我都建議大家去買
不過要小心俾人開天殺價
因為我地返到杭州
發覺一大罐都只係三十幾蚊
我地去到桐鄉買一小罐就要廿幾蚊
冇法啦~ 旅行團呢D 一定抽佣架喇~~~ 唉~~~
不過亦都要提醒下各位
杭州要買菊花都唔係咁易
因為真正出產地係桐鄉
所以要買都係返桐鄉買啦~



This album is powered by
BubbleShare
- Add to my blog

華東之旅 ~ 繁華上海

離開古色古香的江南
我們走進繁華的大都會-上海

今日成日都落住雨
即使我地搭車由蘇州去到上海
雨都一直沒有停過...
所以我們到達上海新天地的時候
也是下著大雨的...

  
跟香港一樣，上海新天地早在十一月尾已有聖誕佈置了...


上海新天地是一個旅遊熱點
可是...我地入到去商場
入面只係得小貓三四隻
我仲聽到有人用"廣東話"講粗口...-_-" (應是當地的工人)
行完幾層商場
只覺得果度係一座類似又一城之類的商場
並沒有什麼特別...
可能特別在於裡面有台灣的鼎泰豐、香港的采碟軒等等...
新天地商場出面的建築都幾有特色
可惜我地去到果時已經天黑
而且正下著大雨
所以我都冇乜心機影相同行下lu~

跟住好快就去到下一個景點"城隍廟"
同夫子廟一樣
城隍廟唔係一間廟，而係一條街
果度又係有好多野食
例如最出名的南翔小籠包、寧波湯圓、上海糕點等等
因為實在太大雨亦都太凍喇~
我地唯有揀左間寧波湯圓餐廳去試下呢度的湯圓以及小籠包
冇試過南翔果D，所以唔知係咪真係咁好食
不過因為落雨而冇人排隊
我地冇試到都感到有點可惜~
而食湯圓呢間的小籠包
雖然叫左蟹粉小籠，但係就一D 蟹粉味都冇
而且皮較厚
冇香港果D 咁好食!
湯圓就唔錯喇~
雖然碗湯圓入面D 水係清水
一D 味都冇
但係咬開粒湯圓竟然見到有油漏出黎
令到D 水都有味
而且湯圓皮好"in un"
所以好好味~

  


去完城隍廟食小吃
跟住就去食晚飯
嘩...又有小籠包呀~
食到好飽添~
話時話，上海相對於其他華東城市真係唔同D
起碼招呼好少少，唔會越叫越走
不過始終都係大陸城市
服務始終都係差，而且做野係慢好多，D 人又好似唔係好想做咁...

食完晚飯後去左夜遊外灘
上海外灘的知名程度就好似香港的尖沙咀一樣
每個去上海的遊客都會去觀看一下...
幸好夜晚雨勢減弱
所以我地行外灘都唔算太凍太辛苦

  
呢個就係好出名的上海東方明珠電視塔
0係電視搭的另外一邊就係好有古典外國味道的建築
  

導遊帶住我地匆匆行完外灘
就帶左我地去南京路步行街自由活動喇~
我地就試下坐兩蚊的叮叮遊步行街
又行下百貨公司
發覺原來上海街道上的老店舖全部都係用繁體字
感覺好好呀!
我諗可能係因為簡體字係近年先興起
所以以前的人都係用繁體字的
繁體字真係有氣劫好多!

  
兩蚊叮叮，響按果時係一首歌黎架!


最後搵左間到處都有的"上島咖啡"坐低飲野喇~
估唔到cafe d 服務又幾好喎~
同我地去中式酒樓D 服務完全唔同呀!
起碼D 侍應會主動走埋黎問我地想要D 咩
不過就好gap 囉~
因為我壼水果茶要點candle
佢竟然去隔離臺借火...gap!
咁樣去disturb d 客gei~

  
我的新鮮水果茶

由於上飲野的時間實在太耐 (唉~ 呢個就係0係大陸的特色)
所以我地要好快咁飲左杯野之後就走喇~
啊!!!!! 我杯水果茶都未飲晒呀!!!! v.v

今晚果間係最差的三星酒店
其實我又覺得同四星唔差好遠
係D 設施差少少啦~
雖然上海係個不夜城
不過由於我地間酒店離開城區
所以我地都係冇得出去行街lu~~~ wuwu~

0係上海的第二天去左浦東
經過由鄧小平親筆提字的南浦大橋過左對岸的由由區
據說果個地方之所以叫由由
意思係指"田"裡的人有出頭的一日
所以好有紀念價值...

過左浦東果邊的第一站就係東方明珠電視塔對開的黃浦外灘
0係果度就可以望返我地噚晚夜遊果邊的外灘喇~
有舊匯豐銀行啦、和平飯店啦...等等...
仲有近距離觀賞東方明珠電視塔
雖然我都唔覺得佢有乜特別......

  


跟住去左買"天祿"，即貔貅
我地當然唔會咁蠢上當啦~
不過我地諗過好多方法"逃走"都走唔到...嗚~
上海係一個好信風水命理的地方
所以整個上海城其實係一個八卦圖
中間黃浦河成一個S 型
浦東同浦西就成為八卦圖的兩邊
而好多上海的建築都係睇過晒風水先起
仲有好多大型銀行、商業中心都擺兩隻貔貅0係門口
據說上海經濟因此而繁榮~

接著我地就過返去對岸的南京路行街街
噚晚行果條同今朝行果度就唔同喇~
因為今日行果度係前半段
由於係自由時間
所以我地選擇周圍影相
最緊要就梗係要影下舊匯豐啦~
仲有和平飯店
我地0係"上海浦東發展銀行"門前影相果時 (即舊匯豐銀行)
有個上海人仲同我地講話可以入去裡面影
於是我地就膽粗粗咁入去影左幾張之後俾"食蕉"叫我地收埋相機
哈哈~
我地唯有出返去出面繼續影啦~

  


之後去左一間叫"來來永和豆漿"的店舖度食左碗豆花
嘩....四蚊勁大碗呀!
不過唔知係咪冒牌永和黎既~
唔係特別好味~

之後行下南京路
再返去和平飯店去下廁所
哈哈...六星級D 廁所係乾淨D 喎~
0係大陸都好難搵咁乾淨的廁所lu~

行完晒之後我地去左間好大的餐廳食上海本幫菜
冇得特別...
食完餐本幫菜我地就離開上海lu~
告別唯一一站的繁華都市


This album is powered by
BubbleShare
- Add to my blog