第二最愛

噚晚(7/4)睇完古巨基演唱會
好開心啊!!!!!
真係好好睇呀~~~!
古巨基唱歌真係勁掂~
一 D 都冇走音
難怪會全場爆滿啦~~~!

全場最能surprise 我就係唱"勁歌金曲"果時啦~
估唔到會向住我地果邊升上黎唱~
勁開心啊!
搞到我勁興奮~
不過真係好掂!
我本來係好眼訓的
但係睇演唱會果時竟然唔覺得眼訓
睇完都仲係好興奮~
勁啊!!!

哈哈~~~
本來由上次sing con 之後開始聽番首"勁歌金曲"
點知聽聽下都係轉左~
一首歌果然係唔可以聽得太耐
不過由於今次演唱會呢~
搞到我又好想聽番喇~~~~
真係勁啊!
不過今次就唔再post 呢首歌喇~
因為已經post 過啦嘛~
我諗短期內我係唔會重post 一首歌的
所以今次揀左呢一首 - 第二最愛!

Actually 今次個演唱會唱親0既都係hit 歌
搞到連我最鍾意0既"晨曦" 都冇唱到~
而又一首國語歌都冇喎~
可能唱國語歌果時係古巨基0係香港最低潮的時期啦~
所以今次演唱會就唔唱國語歌喇~
不過我真係好鍾意首"許願"
相信如果Gigi 係嘉賓的話
一定會有得聽~ 哈哈~

um...點解揀"第二最愛"呢?!
呢首係演唱會第二首唱0既歌
第一首"必殺技"我幾乎認唔出個歌名
可能我對於呢首歌冇乜特別好感啦~
反而唱到第二首"第二最愛"
突然間好似重拾左我一D 回憶咁樣...

記得最初開始聽古巨基的時候
佢0既第一首歌係"愛的解釋"
由果時開始我已經覺得古巨基係一個"唱得" 之人
好渴望繼續聽到佢0既歌聲~
但係無論點都好
一向覺得CD 好貴的我
對於購買CD 實在係"審慎處理"
雖然果時佢係唱得唔錯
但我依然覺得唔值得要我去出錢買一隻CD 番黎!

值到佢出第一隻精選碟"第二最愛 (新曲+精選)"
終於我覺得係值得買0既一隻碟喇~
裡面有好多好聽的歌
又有果排好hit 0既"刑偵"主題曲 - 感情真相
仲有我好鍾意0既新歌 - 第二最愛
到左而家
我都覺得自己冇買錯~

買左隻碟番黎
我梗係狂loop 呢兩首歌啦~
就係果時
我就勁鍾意"第二最愛" 呢首歌喇~
記憶中我都聽左好耐
而且亦試過幾年後聽番
都仲覺得好好聽~~~
不過我都真係幾耐冇聽過呢隻歌喇~
所以今次突然0係演唱會聽到
個感覺既熟悉又陌生
特別係呢首歌係第二首唱0既歌
係第一首舊歌
仲係一首我曾經好鍾意0既歌
所以感覺特別唔同!

第二最愛...
既然叫得"第二"
又何來"最"呢?!
呢個問題我都思考左好耐......
第二始終都係第二
永遠都代替唔到第一的位置
既然"最"係代表"第一"
咁"第二"就應該不是"最"吧~!
那麼"最愛"與"第二最愛"的區別
應該很明顯的吧~!
既然心裡已有"最愛"
那麼"第二最愛"又代表什麼意思呢?!
所以我覺得呢首歌好玄妙
竟然可以將"第二最愛"既感覺刻畫出黎
哈哈~
唔知大家又感唔感受到呢?!






第二最愛
歌手：古巨基 作曲：張佳添
填詞：黃偉文 編曲：張佳添


誰陪著我回家　你知道吧　不甘心嗎
當　我是傻瓜　不可點化
才放棄你　望著你走吧
其實與她　都間中吵架
無奈當天　說起婚嫁　還是挑選她

＊從前情人好嗎
　現在幸福嗎(幸福嗎)　還生氣嗎
　誰人何時替我　給你一個家
　從前情人還好嗎　尚獨身嗎
　(從前情人好嗎　獨身嗎)
　還想我嗎　無緣成為最愛　卻又很牽掛＊

＃從前情人好嗎　自己都驚訝
　哎也也也　分開　加陪念掛＃

你不信吧

最懂得我脾氣　是你吧
其實那天　親你時　難忘記她
讓你　猜到吧　識破吧
由於心死　才會不說話
其實這天　當我親她
同樣一般那麼想你　難道你未明嗎

REPEAT＊＃＊



P.S. 嘩~ 我差不多打左成個鐘呀!!!!!!!