便e 店孫燕姿香港演唱會2005

「我不要　將你多綁住一秒
　我也知道　天空多美妙
　請你　替我瞧一瞧」




幾句「風箏」
為今次的演唱會揭開序幕...


接住燕姿返回台後
換了另一套衫出黎唱「奔」
燕姿一上到台
音樂響起
煙火亦隨即發放~
好靚啊!!!

今次演唱會最能感動我的
竟然是接著唱的呢一首
可能我最初聽的是演唱會版
現在能夠在演唱會親耳聽一次
感覺份外唔同
「但明天是自己的　開始懂了　快樂是選擇...」
開始懂了...曾經令我在不知所措中突然有所頓悟

我不難過.........也是在那段日子第一次聽
覺得唔好聽
唔知點解咁多人會喜歡
雖然歌詞真係好好..好好..

新歌登場~
燕姿0係演唱會上賣晒廣告
記住買佢新碟喇~~~
「眼淚成詩」係第二主打!

影相喇...因為孫燕姿要跳舞喇~~~




跳舞跳左幾首歌...
直來直往
超快感









仲有...
隨堂測驗
難得一見



拉丁舞的「慢慢來」
好好睇~!!!



「神奇」的孫燕姿












跟住到一堆慢歌...
首先有「我也很想他」
跟住有燕姿好喜歡的「同類」
唱呢首歌果時燕姿仲企左上去條樓梯度
好有feel 啊~~~!
總覺得好有詩意~~~
不過條樓梯好危險咁喎..............~_~

接著有一首我未聽過的歌
係第一首出現的我未聽過的孫燕姿舊歌
聽聽下又覺得幾好喎~
尤其係中間果段
個旋律好特別~~~
「我不愛......不能愛...你給的未來」
「再等待等甚麼　沒有你沒有愛存在」
一首好難唱的歌
一首轉音轉得好勁的歌
好鍾意拉到D 音好長果段~
亦都好鍾意轉音轉得好快果句!

接著呢一首
哈哈...
燕姿唱廣東歌啊!
犀利啊!
唱得好好聽啊!!!
「難分真與假　人面多險炸...」
相信聽到第一句
大家都知呢首係咩歌lu~

唱完「浪子心聲」
燕姿要抖番一陣
所以就到嘉賓F.I.R. 登場喇!


佢地上黎唱左「無限」
同埋為人所熟悉的「Lydia」
跟住又俾返個台孫燕姿lu~~~


今次燕姿換左條好靚的黃色晚禮服出黎~
有人話呢條裙係全晚最靚果條
可能因為係晚禮服掛~~~


佢一出黎就走左上個轉台度
企0係上面同隊band 一齊唱「愛情證書」
個台就由左邊轉到去右邊
可惜就係冇轉到過黎我地果邊...v.v
淨係爭我地果邊....v.v
咁樣唱歌好有feel 咁啊!!!
好似一隊小型band
好有親切感~~~



「現在是握手時間!」
聽說噚日的演唱會握手時比較亂
可能就係因為咁
所以燕姿講定俾大家知先掛~
不過聽到佢講呢句
我就覺得好搞笑喇~
哈哈哈~~~

伴隨住握手時間
我地就聽左兩首歌
第一首係我未聽過的舊歌...「一樣的夏天」
同埋好輕快的「祝你開心」




冇記錯的話
跟住有個琴升起左
燕姿行左埋歌迷會果邊個琴度
唱左一首「愛情字典」
呢首我都好似係未聽過呢~
佢"唉"0係個琴隔離唱歌
好有feel~
其實成個演唱會都好有心思
唱每一首歌都做到好有feel~
快歌有配合快歌的舞
仲要好夾好0岩feel~
慢歌亦有慢歌的韻味~
勁!!!

跟住燕姿繼續唱左一首我特登為左演唱會而揀黎聽的歌
因為感覺自己仲有好多燕姿的歌未聽過
於是想起演唱會前聽下D 未聽過的歌
就是但起我部PC 度揀左幾首add 入playlist
呢首就係其中之一喇~
原來孫燕姿仲有好多好好聽的歌架!!!
點解我以前冇聽過一首咁好聽咁有feel 作得咁好的歌呢??!
「還是害怕夜深人靜時總想起你
還是害怕不經意的聽見你的消息
然而當愛已經沉澱的太清晰
當擁有已經是失去
就勇敢的放棄...」
這首歌叫「害怕」
...


and then 我地發現左原來仲有一個琴升起左
呢個琴同頭先個琴成對角
我地懷疑緊係咪頭先兩個琴一齊升起
只係我地見唔到呢?!
Anyway, 燕姿行番去台中間
另外一個琴果邊就被"照亮"喇~


然後中間有一個琴升起
就估到係燕姿上去彈琴唱歌
唔知會係邊首呢?!
仲以為會係天黑黑添~
點知原來係「我要的幸福」
呢首好似好難彈下喎~
因為旋律好快!






完左自彈自唱
燕姿回台換衫
跟住上黎唱「Leave me alone」
又係另一首我未聽過的舊歌~



然後燕姿說要唱一首英文歌
冇錯!
燕姿係出過一張英文專輯的
裡面番唱了很多很好聽的舊歌
包括呢一首...




燕姿唱呢首歌的時候著住牛仔褲坐在台中間的椅上面轉
好有feel呢~
「silent all this year......silent all this year......」


完左「Silent All This Year」
又係新歌試聽的時間
今次係主打喇~~~
首主打好輕快
歌詞亦作得好好
我喜歡孫燕姿的歌
就是因為她的歌的歌詞往往都代表著她的人生
聽起黎特別容易有共嗚...

呢首新主打「完美的一天」
就係講佢希望將來的生活會係點樣
講0既係一個好平凡的人生
好開心地渡過~
原來完美可以咁簡單...



土番舞的「種」
好夾首歌
好好睇之餘
亦好好聽~
好輕快!











跟住燕姿變身
除去身上的外衣
變成好可愛的小女孩~
仲多謝左好多好多幫佢搞演唱會的人



接著~
佢就唱左一首佢休息一年後出黎唱的第一首主打–「我的愛」

我的愛之後
一首幾乎人人都識唱的歌出現喇~
「向左、向右、向前看
愛要柺幾個彎才來...」

我還很深刻記得看電影時的感覺......

同「遇見」同期的
還有一首我好喜歡
很多人都說演唱會中最感動的就是這一首
可是我0係呢一刻對呢首歌的感覺唔算好強烈
最初聽呢首歌0既時候
已經知道佢係講緊孫燕姿將會休息
從大碟名、大碟的編排
再加上歌詞
孫燕姿的離開似乎是不爭的事實
今場是第二場演唱會
燕姿沒有說"此歌陪了她一段很辛酸的日子"
或者可能我沒有聽到吧~
我聽到的是..."我感到很累，很想休息"
同埋最重要的呢一句...
"我沒有後悔唱這首歌!"

孫燕姿的心情
大家都很了解
我也很了解
很高興她終於站在紅館開她的個人演唱會
可是對於呢首歌
對我來說卻有另一個意義
我曾經將呢首歌送左俾一個人
而呢首歌亦陪左我好一陣子
之後我決定唔再去聽~
今日，同樣的
我會說...我沒有後悔!

"Encore Encore"..."燕姿 燕姿"......
encore 聲之後
就是「綠光」!
一套好靚的軍服啊!
其實我覺得全晚我最鍾意就係呢一套
實在令孫燕姿型得漂亮~
哈哈...係咪好難明呢??!



最後一首了!
係初出道的第一首歌
聽說每次演唱會都是以"她"作完場
沒有新鮮感~
燕姿叫大家一齊唱
我都聽到有好多人會跟住唱架!




「天黑黑　欲落雨
天黑黑...黑黑......」


有好多好多紙碎作完場~

今次演唱會放左好多次煙火
開場一次啦~
中間有一隻歌起四面台每邊放一次啦~ (我覺得最有新意就係呢次喇~)
同埋唱完某一隻歌放左一次好大聲0既~
放完我都唔知佢起邊度放左
哈哈~
不過視覺上效果做得好好
音樂上面的效果亦一點也不遜色
實在是一個出色的演唱會
尤其有孫燕姿的唱喉
真的不得不佩服
我真係聽唔到佢有走音啊!
而家真係好難聽到一D 咁好的歌手的歌lu~

好開心~
終於睇到孫燕姿演唱會
雖然我成日掛住影相
唔算好投入
但係有機會去睇到孫燕姿的演唱會
實在覺得不枉此行
可惜完場實在太早
都未夠十一點就完喇~
好似還未盡興
而且少左一D 搞笑位
感覺上少左D 香港味道
不過真係一場好好睇的演唱會
一月加場記住睇喇~~~!