九寨溝之旅

經過連日黎的努力
終於寫好今次旅行的遊記
不過個free host 成日都死死地
搞到我寫下停下咁
搞左好耐~
如果大家睇唔到的話
就請耐心等候...

今次旅行實在好辛苦
除左因為自己病左之外
仲因為個旅程要行好多路、坐好多車
又要去高原地帶
加上唔夠訓
令到個旅程比想像中更加辛苦~

其實我冇預過會咁辛苦
因為之前冇做好資料搜集
一話轉去九寨溝
佢地就揀晒行程
我連揀行程的過程都冇參與~
好似俾人賣左豬仔咁~

不過雖然辛苦
但係幾值得去
同埋係幾難忘的經歷~
睇到同感受到好多野~
唔單止係城市的發展
仲有山區的美景及發展

而家去九寨溝真係舒服左好多
有車坐、有當地導遊帶~
不過感覺上就好商業化喇~
冇左山區大自然果種feel~
去到只係感覺自己係參觀緊景點
而唔係去感受大自然氣息~
而且好多遊人
跟本連拍照的機會都冇
加上我地個行程像走馬看花一樣
真係純粹係"旅行"...
有點兒失望~

不過影完出黎D 相真係幾靚
靚過自己親身去睇~
呢種感覺反而親身去睇就睇唔到
影完相出黎先發覺原來個海係咁靚
可能果一日睇得太多
根本就睇到唔覺得有乜特別
但其實有好多湖水都好碧綠好清澈
真係好靚好靚的一個地方

如果早幾年去
我諗我地仲可以體會到一個寧靜的九寨溝
而家實在太多人
感覺只係旅遊地點
少左一份山區的美景feel
始終都係差D 差D 咁...
如果可以唔係咁商業化就好喇~
可惜已經冇得番轉頭喇~~~

除左九寨溝
其實我地仲去左黃龍、成都、重慶同埋峨嵋山
去黃龍好辛苦
0係重慶就感受到一個小城市點樣係幾年間發展成一個現代化的城市
成都比較土一點
可能發展早一點
所以看起上黎反而冇重慶咁現代化~

其實初初聽到話去重慶
真係冇諗過重慶係一個咁0既地方
仲以為重慶會係好落後的一個地區
估唔到....真係大開眼戒~

不過重慶就冇乜野玩
呢D城市去一次就夠
但係會係一個好值得去一次的城市!


黃龍風景區


如鏡一般的老虎海


影相比親身去睇靚的長海


好靚的五彩池


五花海


寫左好長的Tripblog
歡迎大家入去睇下: My Tripblog