小酒窩

已經好耐好耐冇寫日記

更加好耐好耐冇寫歌

今次再次想寫返我對歌的感覺

係因為實在覺得呢首歌好sweet

冇諗過一個我認為佢一d 都唔sweet 的人

可以唱到首咁sweet 的歌...

不過, 佢0既唱功始終係差D

把聲底始終差左一D sweet 0既味道...

listen!

小酒窩

JJ:我還在尋找 一個依靠 和一個擁抱 
   誰替我祈禱 替我煩惱 為我生氣為我鬧

SA:幸福開始有預兆 緣分讓我們慢慢緊靠 
   然後孤單被吞沒了 無聊變得有話聊 有變化了

合:小酒窩長睫毛 是你最美的記號 
SA:我每天睡不著 想念你的微笑 
   你不知道 你對我多麼重要
(JJ:你不知道 多麼重要)
SA:有了你生命完整的剛好

合:小酒窩長睫毛 迷人的無可救藥 
JJ:我放慢了步調 感覺像是喝醉了 
合:終於找到心有靈犀的美好 
   一輩子暖暖的好 我永遠愛你到老

SA:幸福開始有預兆 緣分讓我們慢慢緊靠 
   然後孤單被吞沒了 無聊變得有話聊 有變化了

合:小酒窩長睫毛 是你最美的記號 
SA:我每天睡不著 想念你的微笑 
   你不知道 你對我多麼重要
(JJ:你不知道 多麼重要)
SA:有了你生命完整的剛好

合:小酒窩長睫毛 迷人的無可救藥 
JJ:我放慢了步調 感覺像是喝醉了 
合:終於找到心有靈犀的美好 
   一輩子暖暖的好 我永遠愛你到老

WO~
合:小酒窩長睫毛 迷人的無可救藥 
JJ:我放慢了步調 感覺像是喝醉了 
合:終於找到心有靈犀的美好 
   一輩子暖暖的好 我永遠愛你到老

不得不愛

近期已經好少好少聽流行曲
一黎覺得流行曲比以前差左好多
二黎真係冇乜歌手值得我去聽佢0既歌
家下掛住打機、返工、溫書、上堂
偶爾都只會聽返0係電腦裡的mp3 就算...

不過朝朝早聽電台
總有一兩首歌聽到
尤其近排有首國語合唱歌
雖然只係聽左幾句
但係日日咁聽
上晒耳
又覺得幾好
於是就d/l 左落黎聽
亦想介紹下俾大家聽~

http://www.kanuo.net/3.mp3


不得不愛



天天都需要你愛 我的心思由你猜
I love you 我就是要你讓我每天都精彩
天天把它掛嘴邊 到底什麼是真愛
I love you 到底有幾分說得比想像更快

是我們感情豐富太慷慨 還是有上天安排
是我們本來就是那一派 還是捨不得太乖
是那一次約定了沒有來 讓我哭得像小孩
是我們急著證明我存在 還是不愛會發呆

**BABY 不得不愛 否則快樂從何而來
不得不愛 否則悲傷從何而來
不得不愛 否則我就失去未來
好像身不由己不能自己很失敗 可是每天都過的精彩

天天都需要你愛 我的心思由你猜
I love you 我就是要你讓我每天都精彩
天天把它掛嘴邊 到底什麼是真愛
I love you 到底有幾分說得比想像更快

I ask a girlfriend
how you been
來去了幾回
我從來沒有想過
愛情會變得如此無奈
是命運嗎
難道難過是上天的安排
沒辦法
天天的每天的心思到底由誰來陪
我誠心你誠意
但周圍的擾人環境始終讓我們無法在這裡自由相戀
我精彩你發呆
兩顆心不安的搖擺
應該有的未來
是否真的那應的無法期待
捨不得在傷害
you're my girl my girl my friend
how much I love you so so much baby
看著你哀愁
要我如何怎麼承受面對
I'm sorry you're my sweetheart
my love
my one only baby

** repeat

會不會有一點無奈 會不會有一點太快
可是你給我的愛 讓我養成了依賴
心中充滿愛的節拍

天天都需要你愛 我的心思由你猜
I love you 我就是要你讓我每天都精彩
天天把它掛嘴邊 到底什麼是真愛
I love you 到底有幾分說得比想像更快

GLTc Offsite

今日我地成team 上左GLTc offsite
呢邊幾乎每年都會搞offsite
即係會抽D office hour 時間出黎俾大家一齊出去玩
不過今年開始就同埋GLTc 一齊
所以今年個offsite activity 就係上GLTc 同埋佢地一齊玩喇!

我地搭朝早八點五班車 (standard 都係呢班)
懷著好眼訓的身驅上左廣州
去到財富office 都差不多十一點lu
都唔知點解要搞咁耐...
可能太多人啦
overhead 係大一點
跟住去到財富meeting room
我地老闆就開始講野
跟住各位老細亦都講下自己負責的project同archievements
做完一大堆好"行"嘅嘢之後
就去食飯lu~

食飯0係廣州東悅
聽以前D 廣州同事講
佢地同大老細食飯都會去果度飲茶
不過只係叫點心
我地今次就好豪喇~
一圍枱RMB1300 咁叫小菜食
計返每人都成百幾蚊
真係貴!
食完飯我地就0係東悅繼續我地0既individual team meeting
我地team 因為遲D 要做banknotes project
所以今次就join 埋佢地果team 一齊傾
不過我地兩邊都唔係好熟
所以好似怪怪地咁
反而eSec 果邊勁嘈
都唔知傾乜咁開心...

個individual team meeting 都係吹水
又係吹埋D 好"行"0既野之後
我地就去左打bowling lu~
哈哈~
都係最開心呢個時候
雖然我打唔出好成績
但係都同大家玩得好開心!
不過保齡球場超嘈
搞到要講野都講得好辛苦
如果可以靜D 又可以玩又可以傾偈就好喇!

打完bowling
要趕車返香港0既就走左
搭七點幾直通車0既就周圍無聊下
另外有一批就去左食飯
而我就返財富搵返我D 舊同事喇~

嘩~ 好開心
終於可以去佢地office 睇下
以前成日想上去都冇得上
終於見到佢地個machine room
不過我D 舊同事大多去左酒樓霸位lu~
反而見到D 400 0既舊同事
佢地有D 都認得我呢~ hehe~

0係廣州office 影左D 相
就跟佢地搭地鐵去左天河城食飯
間野0係我地上次夾公仔隔離
叫"宴江南", 都係食D 上海杭州野之類
話好食就唔算喇
可能香港果D 整得好味D 啦~
最慘係分開兩張枱
搞到我都冇乜同其他人傾偈

匆匆食完飯
佢地就帶我去唱K
因為時間關係
我只係唱左兩首歌就要走
不過估唔到大陸D 卡拉OK 可以咁豪
我簡直係覺得佢靚過香港果D
完全係銅鑼灣CEO feel
如果可以玩耐D 就好
因為唱K 可以成日調下位
咁樣就可以同佢地每個人都傾下偈~

之後就搭返火車返香港
真係多謝晒佢地又接又送
仲要請我食飯唱K
下次有機會一定要留多D 時間陪下佢地玩~
yeah~!

Celebration

噚日本來諗住出去慶祝
點知唔係好舒服
個肚仲要越黎越痛
結果起酒店訓左一陣
跟住出去睇醫生
睇完醫生返黎就食粥
跟住睇完電視又再訓過...
話時話
今次病一病
令到我體會到D 野
原來公司個舊medi scheme 真係幾好
起碼今次咁辛苦
結果要去醫院睇夜診
我都唔駛擔心冇錢俾
早知自己身體唔好
所以死都唔肯轉新scheme
不過如果升band, 要迫住轉都冇法
睇黎要sorting out 一D 醫療保障買返個喇~

仲有一樣體會就係
原來食物的味道唔單止係味覺
仲有視覺同嗅覺
雖然噚日冇得食個好美味的藍梅芝士蛋糕
但係原來我最鍾意的
係個蛋糕裡面的芝士發放出黎的香味
果種感覺已經令我好滿足...
當然如果有得食就更加好啦~

btw, 今次間酒店幾抵住
雖然裝修緊
但係upgrade 左我地間房做套房
套房入面有一房一廳
感覺好好!

今次真係要好感激gap 仔
唔係佢我噚晚都唔知點算
可能會痛死左, 哈哈~
又幫我搵醫生
又幫我叫的士
又送我去睇醫生
再幫我買埋野食
真係辛苦晒! 感謝!

My Last Day in SST

好耐都未試過返工咁開心
今日個心情係既緊張又興奮
尤其到左下午
幾乎淨係搞埋自己D "身後事"
都冇乜心機再做野lu~

今朝一返到公司
就俾人"cher" 去交低呢樣交低果樣
跟住就等見大老細
同佢差不多傾左半個鐘
跟住就去食Farewell 飯喇~

同自己team 食完飯
返到去就著手搞埋未完成的工作
仲有就係交低返未交代過的projects 遺物
而最重要的
就係send Thank You Lnotes 去俾各位同事
所有Lnotes 都係用心製作
尤其係每封私人信件
每日只可以寫到一封
因為寫完已經心力交粹
要抖抖...哈哈~

之後突然間醒起要買D 野俾廣州同事
今朝特登帶左張零食物語現金券
諗住買盒Melty Kiss 俾佢地
好可惜去到零食物語又搵唔到大盒裝
唯有轉戰左去百佳買左盒日式和菓子俾佢地~
返工時間走咗出去買零食
我相信呢D 事只可以0係Last Day 先做到
好開心!!!

差不多五點半
我同另一個同一日Last Day 的同事就準備好晒D 食物同飲品
跟住邀請大家黎食喇~
真係估唔到D 野食食得咁快
好快就全部清晒
我諗大家一定以為係開P
見大家食得咁開心
我都好開心!
最搞笑係大老細都叫大家黎食野
搞到好似dept 有咩野慶祝咁
或者佢見大家都搵到條好出路
替我地開心啦~~~!
事實上正常的turnover 對公司黎講未嘗唔係一件好事
不過呢排又實在係....哈哈~!

請完大家食野
就俾人叫左落去飲野喇~
今次老細請飲野
我地team 都好似係第一次!
我帶埋相機落去同大家影相
基本上冇人覺得我將會離開一樣
大家談論的話題都不在我身上
反而係談笑風生地講下家事國事天下事
到左果一刻，感覺上都係同大家同一team
唔知過左幾個week
個感覺會唔會唔同呢?!

落公司cafe 傾左個幾鐘
之後就返上office 影相喇~
果時大部份同事都走晒
搞到我想搵同事影相都搵唔到添
好彩之前D activity 都留下幾多相
我係唔會忘記大家0既~
Amy 特登幫我打電話去開返D 燈
等我地可以繼續影相
結果我地影影下搞到八點幾先走
之後就打的出左去尖咀食飯!

Rice paper 係我揀嘅
因為日本野又book 唔到位
中菜又話冇乜特別
結果0係冇辦法的情況下
我suggest 左去rice paper
冇諗過尖咀果間可以望到海景
真係好好feel~
多謝大家請我食呢餐
尤其連Wyan 都特登出黎同我食飯
真係無言感激!
我相信日後仲有好多機會參加大家的activity
記住要叫埋我呀!

2008 長洲太平清醮飄色巡遊

今年佛誕決定去睇一睇長洲特色節日之一的太平清醮
於是join 左康泰去左個一日團喇~
要join 團而唔自己去的原因
係因為一黎費時要0係碼頭等船
二黎就係因為佢畫左指定位置俾我地睇
雖然我地冇得坐VIP 位
但係睇飄色果個位置都幾好架~
仲搞到我上埋電視添!
上午一早就去左南丫島行山
好無聊咁睇下天后廟同神風洞之後
我地就去左漁民文化村度參觀喇~
本身諗住呢度都係幾無聊
點知原來有好多好得意嘅嘢睇架~
好似睇雞泡魚發脹
睇海星、睇海后
仲有就係墨魚蛋喇~
我地見住D 墨魚BB 出世
好可愛啊!!!
本身諗住拎左一堆墨魚蛋返去魚缸養
點知船上面D 人太好喇~
當係飲完汽水的水杯咁倒左
唉~ 早知就唔拎佢地返屋企啦~
結果害左D 墨魚BB
好傷心啊!!! T_T

講返飄色
我地去到長洲果陣已經係點半
成個島已經聚集左好多好多人0係度
我地好艱辛先至搵到位去到我地果指定位置
但係等都等左好耐
就黎曬乾...
見到D 人爬上屋頂
又俾警察勸籲返落黎
最後佢地伏低搏人睇唔到
點知我地其實睇得好清楚, 哈哈~
結果都係乖乖咁落返晒黎...
飄色終於0係兩點幾正式開始
最初都好有新鮮感
但係越睇就越悶
睇到最尾只係想佢快D 完
哈哈~
最搞鬼係個舞醒獅的細路
係咁向途人噴水
搞到大家都好鬼驚佢!
仲有就係扮鬼扮馬果D 細路
個個都好得意
不過有D 好明顯好熱好累
冇乜心機咁, 哈哈~

我地企左0係度成兩個幾三個鐘
係咁不斷狂影相
影到部機冇電兼冇memory
最可惜就係去到就要睇
睇完就要走
都冇乜時間行下長洲
買下平安包等等...
我真係幾想試下麥記齋包
去到都冇得應下節添~
嗚~

玩到好累
一朝早起身去行山真係唔係好掂
尤其噚晚訓得唔好~
今日成日都好似頭暈暈咁...

WII Day

講左好耐話上去David 屋企
但係佢一路都唔肯
今日終於俾我地上到去喇~
yeah!
不過因為會所好多野都full晒
結果最後我地只係book 左snookers 黎打
最估唔到係Edmond 都帶埋BB 黎
搞到我地打打下snookers 都走晒去玩BB
哈哈!

本來plan 左去布袋澳食海鮮
不過後尾Ronald 又唔黎
Jeffrey 又冇打俾我地
最後我地決定留起David 屋企打WII 叫外賣...

第一個game 我地玩得最多的保齡喇~
哈哈...勁呀!
平時打邊會拎到咁高分
今次我地個個都過百呢~~~ :p

我地都幾勁
打左幾個鐘WII
幾乎Beijing Olympics 入面所有game 都打過晒
個feel 同我打nds 真係幾唔同
同埋始終係英文
起碼睇得明佢點玩
我打日文版nds 果時
成日都唔知佢想我點...-_-"
打完fencing 果時真係勁累
仲辛苦過打boxing
真係估唔到
搞到我即刻要抖下幫下手叫外賣
哈哈~~~~

大家玩到十二點都唔捨得走
好彩我提下大家
其實已經係十二點喇~
我係怕佢地搭唔到最後一班地鐵出返去...
好耐都未試過同班同事玩得咁盡興lu!

陽光雨

由一位新晉歌手 (還算新嘛?!)
以她清新的聲線唱的一首勵志歌
雖然不及她唱英文歌那麼清脆動聽
但香港歌手來說，很少會唱到這種感覺~

Fiona Fung ~ 一個既熟悉但陌生的名字
原來在四、五年前
我已經開始聽她的 Shinning Friends, True Colors...
至於較早前以一首泓景臺廣告歌 Proud Of You 而一鳴驚人
果時人人都0係度搵原唱廣告歌及演唱歌手
但係冇人知根本係邊個唱~~~
到最後 Fiona Fung 呢個名字終於出現
仲要話佢係一個香港人
都依然冇人知佢係邊個~
果時有人特登extract 左廣告首歌黎 loop
我都係支持者之一呢~!
直至 TV Magic 出左，我先有得聽渴望已久的原唱歌曲~

去聽 True Colors 呢隻集錦碟
都係因為 True Colors 呢隻翻唱廣告歌實在太好聽
令我覺得隻碟入面的歌都應該唔差
結果俾我發現到 Fiona Fung 的另外一隻單曲 - Forever Friends
雖然呢首都係樓盤廣告歌
但係我完全冇印象
老實說，呢首歌吸引力比 Proud Of You 差好多
但係憑著 Fiona 的歌聲
一樣吸引到我不斷地聽~

以上提及的幾首歌
從我還未知它們的原唱者時
已經在我的WMP 播過不下數千次
最後估唔到呢幾首歌的原唱者係同一個人
她的歌聲是如此的清脆奪目
實在令我感到佩服~

正如我所說
新歌由於是中文歌詞
所以感覺上冇咁新鮮
不過她的創作天份實在值得一讚
尤其呢首係勵志歌都可以作得咁好
值得我去推介...


Fiona's Biography


陽光雨

曲：陳光榮
詞：馮翠樺
編：陳光榮
監：陳光榮

Woo…
風雨總會停　亂世變太平　
有我共你一起見證

都不緊要　跌碰總少不了　
要看開些少
不快要大叫　樂共苦差很少　
扭轉兩者只需數秒

* 新聞　又報導誰輕生　誰沒信心　
困境之中鬥爭
若放棄當個人　真的太笨　
怎可作不必要犧牲
走得過癮　剩低幾個傷心　
如若你肯　似金剛般變身
面對滿天責任　打不死摔不跌踩不沉　重拾你身份 *

Woo…
風雨總會停　亂世變太平　
擔心太多影響緻興

Repeat *

Woo…
風雨總會停　亂世變太平　
有我共你一起見證

Woo…
This is nothing strange
I can spread my wings…for you

南華會打保齡

已經有一段日子冇打bowling 喇~
今次因為茶班同學約去玩
所以就join 埋一齊玩喇~

南華會果D 果然係專業
成個場有成六十條lane
去到一定有得打
不過對於我地呢D 初學者就唔係幾好喇~
因為一條lane 只可以借兩個波、四對鞋
兩個波就真係唔係好夠我地用
而且我地有五個人
所以就唔係幾開心~
果度D lane 都幾滑
個波好似唔係好受控制咁就碌左出去
所以成日都要輕輕放波先就到個位
搞到我做咗好多運動
好快就好累喇~

今次係第一次同gap 仔打波
呵呵~
之前我地都有各自玩開
但係都未試過一齊打
好開心今次打左兩場
兩場個分都僅僅過百
哈哈~
好少第一場都會過到百
證明今次我真係好用心機去打!

雖然咁好成績
但係對呢個場印象麻麻
可能始終都係舊
facility 又唔係好足夠
對於我呢D 純粹玩下的玩家黎講
實在唔係咁合適
我都係鍾意AMF D 場多D
不過南華會果邊又實在唔駛驚冇位嘅~

我決定走了...

唔經唔覺又一個月
個人大左，工作忙左，寫日記的時間都少左~
呢一個月
其實對於搵工已經有一個好確定的目標
只係合心水的工不多
而且要in 得成的確有一定難度
以前老細走左之後工作壓力又好大
等消息又等左好耐....
所以其實呢個月都過得幾唔開心~

收到offer 之後係咪成個人都鬆晒?!
我覺得唔係囉~~~
其實自己都有幾大掙扎
始終去到一個新的地方
要去適應新的環境
好難話一下子就習慣到~
更何況自己technical 同soft skills 都唔係話好好的時候
突然間要接咁大個job 返黎
其實自己都有點兒恐懼~
不過正如我安慰朋友一樣
唔面對就永遠都唔會長大
有咁0既機會點解唔去試呢?!
我有的還是時間
就算失敗了要重頭再來
我還承受得起~

自己對現在果team 有太多意見
一時間真係好難組織晒咁多野
其實我當team 入面每一位都係朋友
好希望佢地可以做得好D
唔好成日出問題
但係亦都感到自己能力同權力有限
我可以幫到的，做到的，其實我已經盡左力
呢個月返工的每一日，我真係覺得很累....

特別鳴謝以前老細俾我的教導同機會
唔係因為學到佢0既待人處事手法
我相信我唔能夠咁成功咁develop 我的career

新環境　新開始
我要「開始一個新故事，不想回頭不想再解釋，這一次照我的意思愛」!

愛麗斯的第一次

第一次聽呢首歌果時都覺得把聲線好熟
諗左好耐好耐
諗黎諗去都諗唔起係邊個把聲
但係又覺得幾好聽~

終於聽到原來係Fiona
我記得佢令我"耳"前一亮果首係"四人遊"
佢唱國語歌簡直係好聽過廣東歌一百倍
可能呢D 歌路比較適合佢啦~
而且冇一個人話能夠適合唱所有類型的歌~

愛麗斯的第一次
講0既係那位女孩子如何改變自己
去尋找一個新的世界
就如愛麗斯夢遊仙境一樣
從新在新的世界中尋找自己...

其實每個人都不一定受現在的生活所限制
看闊一點
可能會見到更遼闊的天空
不要將自己困在窄的籠子裡
放開一點，可能看到的會更遠更多...



愛麗斯的第一次 - 薛凱琪


我決定今天是最適合冒險的一天
綁起了馬尾幻想我的螢光旅之鞋
對鏡子再看一次哭過的雙眼
深呼吸 大步搭進相反的一邊
鏡子對面 是為一個世界
沒想到空氣是那麼的清晰

＊愛麗斯的第一次　丟掉所有生活的公式
　我要忘了從前去認識
　新的風 新的樹
　夢想的新地址

　愛麗斯的紀念日　今天開始一個新故事
　不想回頭不想再解釋
　這一次 照我的意思愛
　（這一次第一次我要有快樂的愛）＊

抬頭我看見不可思議透明的藍天
領度是非原始 鐘可以倒轉回昨天（回昨天）
生命是一場幸福熱鬧的派對
我根本早就應該誇過這條線
鏡子對面微笑的我的面
不再怪自己做得不完美


「是時候要再從新掌握自己的命運
　丟掉所有生活的公式
　那一天開始一個新故事
　這一次
　照我的意思去走我的路~ 」
　　　　　　　　　By Elaine

聚舊

噚日去左舊同事屋企玩
本來冇乜特別
不過突然發現左個幾驚訝0既消息
原來我同家豪係同一間中學!!!

家豪低我一屆
嚴格黎講其實我係佢師姐
竟然識左兩年幾都唔知
証明呢兩年幾我真係幾少同佢地聯絡~
發現左之後我地就0係度傾返中學0既0野
家豪0既中學生活似乎好多姿多采
哈哈~ 我嘛~ 果五年係我十幾年學校生活最摺的日子!

家豪因為踢波
所以都識得我地果屆某D 同學
佢係咁話我地果屆有幾勁
的確，我都覺得我地果屆係有點兒過份
不過似乎我地前兩屆D 人都同我地不相伯仲!

我地仲講起D 老師
佢話好多好老師都走晒
唉~ 時移世易喇~
銀禧都唔係以前咁勁
有好老師又有乜用呢~

同佢傾起中學0既0野
其實都令我諗起幾多0野~
原來中學生活已經離我越黎越遠喇~
好似過左好耐好耐咁...
雖然有D 同學我都仲keep 住有聯絡
但係冇諗過其實已經過左咁多年~
而家銀禧變成點
我已經冇晒info
只係從人地把口聽返黎
真實係點，其實我咁耐都冇返過去睇過~

0係銀禧讀完中六、七
果然對銀禧係有多好多的歸屬感
坦白講，我冇後悔過去莊記~
因為留起銀禧對我黎講太大壓力
尤其係果時我已經再冇心機讀書
當聽到放榜果時D 人話返俾我聽
阿邊個邊個拎唔到A，只係得個C
搞到成條curve 低左
我就心諗，其實我的目標只係合格
哈哈哈....好彩選擇左走
我嘅人生唔應該俾讀書佔據!

講真，0係銀禧果五年我淨係掛住讀書
一黎0係學校搵唔到我想玩0既0野
二黎亦覺得讀書大過天
雖然真係覺得浪費左
但諗返起，如果俾我再揀多次
我應該都會選擇返同樣嘅路!
如果冇呢五年0既浪費
我就唔識得點去珍惜大學果四年
雖然大家都覺得入到大學一定會玩好多嘢架啦~
不過對於我呢D 性格嘅人黎講
呢個唔係一個必然!
或者咁講，至少我覺得我冇浪費左大學果四年
唔係淨係狂讀書，亦都唔係嬉嬉哈哈咁就過左~
我一方面好想讀好D 書
另一方面好想咩活動都去試
結果係我學識咗點樣去分配時間
令我archieve 到1st hon 之餘
又可以去唱歌、搞活動、玩，甚至拍拖、失戀...
每一日都好似過得好充實
比起而家返工放工嘅日子學得更多，體會更深!

2008 台灣之旅 ~ 第一版

0係上個禮拜已經完成左遊記的第一版
好可惜冇時間亦冇乜精神去繼續寫落去
所以暫時就公開第一版給大家看
有甚麼意見也歡迎提出呢~~~

今次旅行真係玩得好開心
好想好想好好記低果種感覺
真係好耐都冇試過可以玩得咁放咁開心
我真係感覺到我係放低晒所有牽掛咁去玩呢!

製作呢本遊記
雖然唔係用左我好多時間
不過亦用左唔少心機
由選字型、揀相片、搵資料、寫遊記和排版
原來要出一本書真係幾難架~
好彩 word 都幫左我唔少!

好希望大家睇完遊記都感受到我的開心和歡樂
亦好希望呢本遊記幫到準備去台灣玩的朋友
下次，我一定會再次plan 一個咁好的行程!

2008 台灣之旅遊記

勇闖神州之旅

每年生日都想過得特別D
今年亦不例外
很可惜香港可以玩的地方我地都差唔多玩晒
突然有人提議去廣州睇櫻花
我亦好嚮往去睇櫻花的
所以就咁決定咗喇~~~

好可惜今年天氣太凍
搞到D 櫻花都唔開
咁冇理由去到睇枯枝架嘛
唯有0係去之前嘅一日臨時改行程
最終我地嘅第一次勇闖神州計劃
目的地變咗做深圳東部華僑城!

東部華僑城係近年香港人新興的熱門短線遊目的地
其實有好多旅行團、自由行香港人亦都會到呢個地方玩
呢個景點，似乎亦係為香港人而設
消費貴、豪華、歐洲小鎮風情
完完全全係符合咗香港人快、方便、想享受外國風情嘅概念興建
果度嘅收費完全係「香港價錢，內地消費」
如果係去內地玩，其實一D 都唔化算
不過歐洲小鎮風情真係做到足
置身在內真係有如在歐洲渡假一樣，很relax

講返個行程
由於我地0係行程前一晚先決定去呢度
於是所以車及入場費都book 唔切
唯有取道遠路程，較麻煩的方法去玩
如果我地一早book 定的話
其實旅行社可以代安排專車由九龍塘火車站經沙頭角過境
咁樣就會慳返好多搭車時間
我地今次就由羅湖過關
再0係深圳火車站搭小梅沙的巴士去到大約大梅沙油站落車
行過去東部華僑城的大俠谷區
其實都不過十五分鐘
不過由於我地唔識路
竟然上咗部的士......
的士轉咗個彎，就到咗東部華僑城入口
車程都不過一分鐘....-_-"
早知叫佢車我地去茶溪谷入口啦!!!

因為呢個係一個新開的旅遊景點
所以全區三個谷
只係開咗一個茶溪谷給遊人遊覽
其餘兩個谷都仲整緊
只係開放咗俾我地搭車經過~
大俠谷入口最近旅遊景點大梅沙
所以亦係最多車、巴士會經過的地方
亦變相成為東部華僑城的主要入口

由於華僑城的三個谷係分別建於一個山頭
由大俠谷往茶溪谷係需要跨越一個山頭去山的另一邊
所以0係大俠谷入口的入場費
亦須要添加RM30 的交通費
不過其實呢RM30 都幾抵架~
我地入到去大俠谷
先係見到竹林
跟住就會見到大瀑布
再行上少少，就到咗往茶溪谷的交通開始點
首先我地乘搭小火車上山 (其實係普通的車子做到火車的做型)
然後轉乘中巴上去纜車站搭纜車上雲海谷
果架纜車的原理同山頂纜車的原理一樣
唔同嘅只係呢架纜車好刺激
因為好像坐過山車一樣
扣好安全帶就會呈45度角一直被吊上半空
仲會以高速好快咁吊咗上山頂
不過好彩架纜車係有成一百人一齊搭
如果唔係實嚇死!

上到雲海谷
因為未正式開放
所以只係有小食店同轉車站
跟住我地就再次搭中巴由山頂落返山腳的茶溪谷
呢段中巴車程就比較長喇~

經過一大段精彩刺激的搭車經歷
終於黎到戲肉- 茶溪谷
裡面佈置成為歐洲大鎮一樣
不得不讚美裡面的精心佈置
真係好似去咗歐洲一樣
小屋、河流處處都散發著歐洲味道
我諗呢一點0係香港永遠都做唔到
第一，香港地方太少
第二，香港人實在冇咁嘅心機去佈局陳設
我諗呢個亦都係迪士尼失敗之處
香港的迪士尼只有香港的本土文化
入到去完全感受唔到外國迪士尼果種味道
試問一個香港人
又點會覺得香港文化吸引而入去參觀玩樂呢?!

東部華僑城的吸引之處
就係俾少少錢就可以近近地享受到歐洲風情
入面除咗佈局很像歐洲之外
還請了外國的表演嘉賓到場表演外國歌舞
令歐陸文化小鎮的氣氛再加強了一點
除了本身有很多中式餐廳以外
置身在內就好像置身在歐洲小鎮一樣
感覺得悠閒

老實說，裡面甚麼玩樂設施也沒有
但包保一日一定行唔晒!
入面有一個好似北海道富良野的花田
真實同相片都覺得好靚
不過果日我地時間唔夠
而且亦都陰陰天
感覺上就冇咁靚lu~
所以我地都冇上到去

另外就係去咗搭入園必定要搭的環城火車
呢架火車會0係園區內行一個圈
介紹各區景點同遊樂設施
車程約為半小時
呢架火車真係不可不搭
除咗可以0係半空中欣賞園區內景點之外
仲見到險要山勢、山河景色
有點像探險列車一樣
很有趣
雖然排隊需時很久
搭火車時間亦很長
但可以見埋員工宿舍都係歐洲建築果種悠閒的生活方式
實在覺得值得!

另外，我地入去食咗個已經係tea time 嘅lunch
雖然價錢唔平
但係果間酒樓算係豪華級
服務同食物都算係有水準的
所以都覺得物有所值

我地行到太陽下山
覺得最值得去嘅係入面嘅歐洲風情
真係周圍都有好濃烈嘅歐洲味道
風景亦都好靚
幾值得我地去影相玩樂
不過由於我地走嘅時候亦係大部份遊客走嘅時候
所以排隊搭纜車返大俠谷時等咗好耐
但係亦都體會到夜晚搭纜車落山果種刺激感
嘩! 黑麻麻沖落山果種感覺同上山果時真係冇得比
我真係唔知點形容果種唔知前路有幾遠同埋幾刺激果種感覺
我諗比起過山車會見到下一個刺激點果種感覺還要震撼
因為你無法預計幾時會再衝落山
只係知道纜車會不斷向下行
直至到達終點為止
而且周圍一片漆黑
好似0係森林入面搭緊高速列車一樣
當列車停下來的時候
就係衝出森林的時候喇~

整個東部華僑城之旅
就0係我地將所有交通調轉頭搭一次落返山之後結束
跟住我地黑暗中搵路
好不容易終於出返去公車站
搭返果架我地去程時搭的巴士返去深圳火車站
由於果時已經係八點lu~
我地決定去返三島潮皇度食晚飯
嘩....再次品嘗黃金豆腐煲
真係好好味道呢~
不過D 野食實在太飽太滯了
三碟菜有兩味都有蛋黃
食到我地十級飽!
呢間酒樓幾值得推介
價錢雖然唔平
但係食物水準一流
係返大陸享受的一個選擇!

呢一個生日之旅係我地勇闖神州的一個開端
謝謝我的他給我安排了一個特別的生日
雖然冇為我特別的作出"慶祝"的安排
但係我不得不作出表示
今日我真係過得比預期中的開心和特別
第一次自己策劃返大陸玩
比我想像中好玩同新奇
相信往後日子我地返大陸玩嘅次數會越黎越多lu~

初三澳門煙花記

今年又過左澳門燒煙花喇~

噚日朝早大約十二點度過到去

跟住就搭車去左威尼斯人行下影下相

感覺上威尼斯人冇我想像中咁靚

不過係真係幾豪華~

入面果隻船仔，真係幾唔值

一黎我覺得個陳設好假

完全冇威尼斯feel

二黎條河實在太短，好似唔知做乜咁

而且條河真係超級清澈，好似水池咁

完全冇feel~

另外，威尼斯人入面的消費亦好貴

McDonald 都比出面貴一倍

如果真係要去豪一次

「平平地」有這樣的質素都值得的...

只係0係威尼斯人食左個apple pie 充飢

大約三點度去到大三巴再吃過~

由於唔知去食咩好

於是求其揀左間有位坐的入去食

呀~~~ 估唔到又平又好味喎~

一個餐有鹵水蛋，橙汁，同埋一碗魚片薯仔麵都係廿蚊

仲要新年已經加左價

可見澳門的生活水平沒我們想像中高...

只係香港人去到咩都要最好

所以消費起上黎就比香港更貴!

話時話，呢間舖好似0係澳門幾受歡迎

我地坐低咁耐，不斷有人黎排隊食

仲係有好多澳門人黎食

真係夠晒地道呀!

而且，D 薯仔真係炸得好好味

好似食緊薯條咁

一粒一口，又唔太大or 太少

真係幾正啊!

食完就行左上去大三巴

嘩....今日真係勁多人啊!

簡直係寸步難行....

就連影張相都難

不過後尾有舞獅睇

即刻添加左好多新年氣氛

我已經好耐冇0係香港見過舞獅喇~

更何況係街頭舞獅

而今次的舞獅亦係今日影相的最大收獲

因為影到幅經典相啊! 哈哈哈~

勁有新年氣氛!!!

而家香港的新年實在太悶喇~

只有拜年、打麻雀和食年糕

咩花車巡遊、睇煙花匯演

完全冇晒新年氣氛~

過一過澳門，聽到爆竹一聲除舊歲

亦有舞獅表演

仲有得自己燒煙花~

呢D 先似新年架嘛!!!

難怪留在香港度歲的人會越來越少

來港的旅客亦沒有甚麼數字上的增長啦~~~

行完大三巴，決定過去爆竹區影下相

原來日光日白真係影唔到D 咩

只見一團煙

一D 都唔好看!

於是影左一陣就去左旅遊搭度坐下食下野hea 下

high tea 左很久 (其實是我們的晚餐)

夜晚就返去爆竹煙花區度玩火!!!

今年真係勁危險啊!

我懷疑係d人唔識放煙花

搞到D 煙花成日起我地身邊爆~

有一次驚得濟走左出去行車區 (最外圍可以觀賞到煙花的地方)

等平靜D 諗住行返入去行人區啦~

點知只係行到去門口

有一大點煙火就0係我面前爆~

勁驚，即刻行返出去.....

我記得舊年好和平，只係試過一兩次失誤，同埋有D 近放煙花令我比較驚之外

都冇乜特別大事...

今年~~~ -_-" 十次有一次係失誤

仲要係火箭失誤

真係嚇死!!!

btw, 依然覺得雪糕筒同埋近距離頭頂爆的煙花比較靚

真係要研究下點同佢地一齊影相先~

下年就淨係為左影相而放煙花啦~

哈哈~

其實今年已經冇上年咁好玩喇~

可能因為上年已經試過

冇左新鮮感!

亦唔再咁驚喇~

所以反而今次影相影得幾開心!

下年都要再去影下相同埋感受下大家放煙花的氣氛!

BubbleShare: Share photos - eco-friendly toys

思念張震嶽是一種病演唱會

好似好莫名奇妙咁....

但係當我聽到張震嶽演唱會仲有飛賣果時

就好想去睇

本人並不甚喜好咁rock 的音樂

但係張震嶽果種係好有節奏感的音樂

係聽到好想會跟著跳跟著唱的那一種

以前曾聽說人類有種天生的本能

就係聽到音樂會不由自主地打拍子

我想張震嶽的音樂就是很容易帶起人們打拍子的音樂

整個演唱會幾乎都係處於一個好high 的狀態

成場的人都企晒起身

一起跳一起唱

尤其係那些每個人也會唱的歌曲

幾乎觀眾的歌聲比台上的歌聲還響亮~

從來也沒有參加過這樣的演唱會

之所以用"參加"這個詞語

是因為觀眾是有份參與的

整個氣氛是由觀眾去帶動的

在演唱會中，大家都能很投入地去跳去唱

老實說，除了小時在家裡會這樣的又跳又唱以外

長大後我也很久沒試過這樣了~~~

this feeling is very enjoyable~~~

今晚嘉賓有林憶蓮、MC Hotdog...

真係估唔到會請 Sandy Lam

已經好耐冇見佢0係香港出現喇~~~

http://q.53sky.com.cn/M2513H0D5/139009.mp3

張震嶽熱播新作 -- 思念是一種病 (Featuring：蔡健雅)

作詞：齊秦/張震嶽 作曲：齊秦/張震嶽

當你在穿山越嶺的另一邊
我在孤獨的路上沒有盡頭

一輩子有多少的來不及 發現 已經 失去
最重要的東西 恍然大悟 早已遠去
為何總是在犯錯之後 才肯相信 錯的是自己 他們說這就是人生
試著體會 試著忍住眼淚
還是躲不開應該有的情緒 我不會奢求世界停止轉動
我知道逃避一點都沒有用
只是這段時間裡 尤其在夜裡 還是會想起
難忘的事情 我想我的思念是一種病
久久不能痊癒

★當你在穿山越嶺的另一邊
我在孤獨的路上沒有盡頭
時常感覺你在耳後的呼吸
卻未曾感覺你在心口的鼻息

汲汲營營 忘記身邊的人需要
愛和關心 借口總是拉遠了距離 不知不覺 無聲無息
我們總是在抱怨事與願違 卻不願意回頭看看自己
想想自己到底做了什麼蠢事情 也許是上帝給我一個試煉
只是這傷口需要花點時間
只是會想念 過去的一切 那些人事物 會離我遠去
而我們終究也會遠離 變成回憶

★當你在穿山越嶺的另一邊
我在孤獨的路上沒有盡頭
時常感覺你在耳後的呼吸
卻未曾感覺你在心口的鼻息
oh~ 思念是一種病

oh~ 思念是一種病
一種病.....

多久沒有說我愛你
多久沒有擁抱 你所愛的人 當這個世界不再那麼美好
只有愛可以讓他更好 我相信一切都來得及
別管那些紛紛擾擾
別讓不開心的事 停下了腳步 就怕你不說 就怕你不做
別讓遺憾 繼續 一切都來得及

★當你在穿山越嶺的另一邊 我在孤獨的路上沒有盡頭
時常感覺你在耳後的呼吸
卻未曾感覺你在心口的鼻息

★當你在穿山越嶺的另一邊
我在孤獨的路上沒有盡頭
時常感覺你在耳後的呼吸
卻未曾感覺你在心口的鼻息
oh~ 思念是一種病

oh~ 思念是一種病
一種病.....

前途

好快咁就過左兩年半了...

今日有個production case

所以要搵返 N 年前的mail

我先發覺原來已經係好耐之前的事

好像我已經忘掉

又好像只是發生了不久一樣

下....乜已經係一年前的事喇?

點解.....好似唔係發生左好耐咁既?!

我突然間醒覺

剛過去的一年

joseph 走了, mico 走了...

原來佢地已經走左一段日子

我的思想還停留在他們還在的時期...

轉眼間已經兩年半

我仲以為我只係工作了兩年

可能呢半年黎真係太忙了

忙到連時間過去亦來不及去追

這樣忙忙碌碌的就過左半年

還記得我升職時對自己定下甚麼目標嗎?!

都忘記了吧~

現在，真的要醒覺了

ATMC 出現大突變

工作環境、人事變更也實在太快

現在連 team structure 也要來改一下

不得不想想究竟我在這裡工作的意義是甚麼

我得到我想要的嗎?

我是為追求自己的目標而努力嗎?

無疑，這半年間我甚麼動力也消失了...

真的好想好想放假抖一抖

工作的環境實在令我喘不過氣來

變化太大，要想的事情也太多

根本不能專心工作，亦無心工作

心裡一大堆問號

只想盡快為這些問題想出答案....

也許，經過呢段難捱的日子

我會走上一條比現在更適合自己的路~

My DD is back!!!

Oh!!! so good news for the new year!
my DD is back!!!
可能係因為sina 的關係
所以我先收唔到support email~
唉~ sina 唔好就一向都知喇
不過我有大部份mail 都0係sina
所以先唔想轉...

btw, 我都決定咗會將我個diary 搬去blogger
不過我諗我都會繼續update 呢一度

希望大家08年都過得開開心心啦~

2007 劉德華 Wonderful World 演唱會

入去聽演唱會的時候只是2007

聽完出返黎已經係2008 喇~

嘩嘩嘩~~~

唔知係咪因為係除夕演唱會

所以今場真係勁好氣氛

連個演唱會完左之後

D 人都仲0係度嗌encore 同坐0係度唔肯走

搞左大約十五分鐘

終於有工作人員出黎掃地

D 人群先至陸續散去

掂呀!

估唔到一開場已經玩電擊

而且仲有好多次煙火睇

真係一開場就已經好正!

跟住就越黎越慢

都唱左幾多國語歌

所以到中段開始有D 唔係咁好睇

不過亦都搵黎左好多靚女同佢做左好多場"音樂劇"

首先就有個女仔跳舞跳得好勁

一路避開晒劉德華的苦纏

之後就有個換衫換得好快的女仔出黎表演"魔術"

真係好神奇!

仲有就係有個小故事講述一對戀人點樣由相愛到被迫分開到最後一起的童話故事

拜觀音果度最搞笑

不過劉德華被吊上半空果度又真係見到佢想玩D 特技

Actually 成場演唱會都幾多特技睇

起碼一開場的電擊

跟住被吊上半空搖& 撞

成日走去四面角被升上半空

又在四面台邊升上去跳舞

到最後仲一隻手握著手握飛下台果下

真不得不佩服劉德華的魄力~!

哈哈~

0係演唱會倒數其實都係一個幾好的選擇

又有得坐，又唔駛0係出面凍，又唔駛同人迫

最重要係有明星同你一齊倒數!

yeah!

過左一個好特別的除夕

仲要去左坐頭等車箱, 呵呵~~~

(my first time lei~ :p)

多謝 gap 仔陪左我成晚, (kiss)