3D 怪誕城之夜

好開心~ 今日去左睇 3D 版怪誕城之夜!

The Grand Cinema 最正係音響

真係好環迴立體聲!

套戲本身好好睇

不過3D 版就冇乜特別

除左立體D 之外

可能俾唔到視覺上面的刺激我

所以係咪3D 對我黎講唔大關係

本紀念場刊好靚

有晒戲入面的歌詞

Actually 真係幾鍾意呢套戲

英文又容易聽

睇左咁多次都係冇字幕版...勁啊!

一定要搵返戲入面D 歌黎聽先得!

2007 Christmas Day @ 九龍寨城公園

Merry Christmas Everybody!!!

趁聖誕節假期

我地相約朋友周圍影相

第一站係九龍寨城公園

呢個公園我兩年前已經黎過一次

果次係約左班中學同學出黎影我的畢業相

第一次去果度已經覺得風景好靚

亭台樓閣+ 山明水秀

終於有機會再黎影相~

今次 D 相仲要影得好靚添~

好開心啊!!!

影到差不多天黑就出尖咀繼續...

尖咀第一站係海港城

同我地噚日黎一樣咁多人

於是朋友們拎部小DC 出黎影

結果小DC 0係咁多人的情況下終於發揮到作用

哈哈哈~~~

噚日我地影得好靚果隻船

今日調左位過左對面

搞到今日影得冇咁靚lu~

算~ 噚日果張真係勁靚!

影完好多人的海港城

我地就沿尖東海傍一路行

嘩...好大風好凍呀~~~

海傍真係唔同D

我地雖然用左腳架

但出黎的效果始終不如理想

um.....影夜景人像真係幾有難度~

BubbleShare: Share photos - Cheap Vegas Hotels

平安夜

今年平安夜諗唔到做咩好
於是遊走於各大商場睇 & 影燈飾
影左一張我有生以黎覺得最靚的相! 哈哈~
勁啊!!!



BubbleShare: Share photos - Cheap Hotels Vegas

HTSA Annual Party

好開心啊!

今年的HTSA Annual Party 看來好成功啊!

我地0係呢半年的辛苦同努力

睇黎真係冇白費到

希望今晚大家都係玩得&食得開心啦~

呢半年黎

能夠推動我繼續工作的原動力

就只有今晚的Annual Party

曾經試過因為工作而冇得去開會

其實我係好唔開心的

因為只有做OC 果時

先至令我感受到對"工作"的熱情和使命感

好想好想將Annual Party 搞好佢呢一個目標

成為左我上班唯一的原動力

當見到大家都滿意今晚的安排和節目的時候

其實果種成功感係0係平時工作上面得唔到的

尤記得當初選擇寫program 為我的終身職業的時候

我亦是因為感受到很大的滿足感而作出這樣的決定的

看見別人用自己寫的program 而令生活更加方便和舒適

這就令我很滿足和安慰

現在，Annual Party 同樣令我有呢種感覺

可能同事們只是顧慮到禮物同食物

但其實我們一班OC 在背後的努力和辛酸

又不是你們可以想像得到的...

今天，我們一班OC 在下午便已過去灣仔會展做準備

嘩...其實真係冇諗過將張boarding pass 放入本passport 裡面係要咁大工程0既

我地好似工廠女工咁機械式地工作左兩個鐘

終於把二千多本passport 製作好

做完已經好累

跟住將場地收拾好，加埋換衫，仲有食三文治

咁樣就已經去到五點幾六點

時間真係過得好快好快.........

最忙最累的時間終於到

就係坐0係"關口"度幫同事們chop 印同埋俾本passport 佢地

不斷重覆又重覆同一句說話

仲要不斷好快咁chop，俾passport and 講台詞

咁樣又做左兩個幾鐘....就黎累死~

不過當中亦都有D 有趣事

就係有D 同事會以為要check staff card

於是一早預備左俾我地睇

哈哈~ 其實係唔駛架~

我地只係做個樣俾本passport 你地架ja~

原先以為高峰時候會有好多人排隊

又驚D 人等得太耐

但事實原來個"樽頸位"唔0係我地果度

而係D 人將抽獎票放入抽獎箱果度

我一路俾passport, 一路叫D 人放抽獎票的同時

發現我已經話唔到俾佢地聽個抽獎箱0係邊喇~

因為D 人已經排到去我身後面

將個抽獎箱重重包圍住

勁啊! 好彩地方夠大!

更好彩0既係，我地0係呢兩個樽頸位都聽唔到有怨言

睇黎個輪候時間應該唔係好長

我地0既安排睇黎都做得幾好!

過左呢一關，下一關就係Dinner 本身喇~

我被安排左好多工作

最主要的就是上台收集抽獎飛喇~

令到我有好多上台出鏡的機會

亦有好多人羨慕我有咁多機會接近湯盈盈

哈哈~ 其實有工作在身，我都冇乜時間可以認真咁去接近佢! hehe

選湯盈盈其實都經過好多過程

原來要揀一個又唔貴又合大家心意的司儀係好難

好好彩地，湯盈盈真係做得好好

幾乎個個都讚!

搞到氣氛之餘，又不失儀態

比我地想像中仲要好!

我都明白今晚好似太多節目

仲要搞到overrun 令到大家好夜先返到屋企

但係希望同事們亦都明白

我地已經盡量做到最好

可以 cut 到的我地已經盡量cut

有D 野，其實係0係我地能力範圍之外同埋意料之外

希望你地體諒啦~

今年我地轉左個抽獎方式

雖然令大家覺得好滿意

但係其實背後我地OC

尤其係prizing 的同事

係做得比以前辛苦好多的

他們要輪班守住個redemption counter

搞到連飯都冇得食

我地真係要多謝佢地將我地個rundown 縮短左咁多

今晚好彩有Cameron 車我返屋企

因為我實在好累好累喇~

真係要多謝佢，我先可以咁快返到屋企

好開心啊!

雖然今晚真係好辛苦好累

但係真係辛苦得好滿足

見到同事們都玩得開心

其實做得辛苦D 都值得0既~

陪我長大

呢首原本係港鐵廣告的主題曲
我喜歡呢首歌
都係因為個廣告

細心觀看
你會發覺個廣告其實好有心思
由一個小女孩長大的過程去看港鐵的演變過程
從小女孩細個時所搭的火車、地鐵摸樣
到長大以後火車地鐵所伸延的車站、購物地點等
你會見得到成個廣告製作所花的心思...

最主要
係廣告冇好清楚咁說出呢個故事
而係用畫面加歌詞的手法去將呢個故事帶出來
讓觀眾細心去領會
呢個係值得讚賞的地方!
港鐵廣告的歌詞要比容祖兒那首"改編"歌詞作得好
有機會的話，大家一定要細心感受下個廣告的意思~


港鐵官方網頁廣告






港鐵歌詞版

當天相見 共你 成為摯友
每日 見面 從不休
美麗 故事 從這裏邂逅
Ha...
晝夜 有 慢愉快節奏
春與冬 炎夏深秋
每段 旅程 全有你挽手

今天我伴你可 並肩上路
再無限遠 都可踫到
無盡生活 在此找到
交織這鐵路 Let's take the ride

三腳貓

終於有時間寫下 diary 同blog
呢排真係忙得抖不過氣...

呢排聽的歌都係在收音機裡聽到
所以 903 播乜我就聽乜
呢首歌唔知點解俾左我一種無形的動力
尤其個前奏...好有動感

首歌原來好有意義
係呼籲各位養寵物前要諗清楚
雖然我都覺得個含意幾好
但係聽呢首歌果時總係俾我另一番的感覺

我只係想講...
"如果有一日我決要走了
我一定會如歌詞一般走得瀟灑~"
http://et20.blogspot.com/2006/10/blog-post_15.html



歌手：洪卓立
作曲、填詞、編曲、監製：周博賢


小巷中見你　雙肩縮起　瑟縮在地
眼裡已沒有半點靈氣
一拐一拐進進小巷尾　用盡全部力氣
再沒法將腿提起

是他　決定你已失寵嗎
回家　卻被拒千里嗎
到處流連探索　太可怕

再沒有仁慈的臂彎　鬆軟被單　飽美晚餐
從此靠你　鬥志強橫　自勉強撐多一晚
可惜你前途好與差　交托了他
奢想這個護蔭下　什麼都不怕

當天他抱你　多麼歡喜　多招妒忌
確信以後會過得甜美
今天竟遭至愛的拋棄　還逃放時玩弄你
惡嫉裡生不如死

是他　厭倦你太驕爹嗎
回家　角落處去找個家
傾黑流離失所　前景是十分可怕

再沒有仁慈的臂彎　鬆軟被單　飽美晚餐
從此靠你　鬥志強橫　自勉強撐多一晚
可惜你前途好與差　交托了他
奢想這個護蔭下　什麼都不怕

難料有詐

很想有緣人的臂彎　溫暖被單　豐富午餐
如今要靠　鬥志強橫　才可強撐多一晚
可惜你前途 交予他　奢想他替你擋開風吹雨打
幻想得幽雅

胡亂變卦 能認錯嗎

澳門賽車

第一次現場睇賽車
一去到澳門已經聽到好大聲的飛車聲
估唔到個feel 咁正
其實最正唔係入場睇果下
而係感受到架賽車0係你面前飛過果下!

好可惜澳門市內沒有任何賽車的氣氛
令到賽事失色不少
可能澳門賭業實在太搶鏡
而澳門賽車亦已舉辦多年
於是焦點自然在賭場上
澳門賽車的收益，似乎亦得不到市內人民的重視

澳門賽車之旅

馬灣公園

今日去左馬灣公園影相
影左好多好累
除左人像，仲有花草樹木
咩都影
所以影左好耐好耐~~~

some of the photos here:
http://picasaweb.google.com/cstempo/20071020

他的女人

如果世事總不能夠完美
那我應該怎樣去選擇?



他的女人
作詞：劉德華　作曲：朱敬然

何時遠何時近　有幾多幾多可是緣分
輕輕一吻就只得一個人　期待我女人

仍然遠仍然近　似館中古董失掉年份
回望那過去敘述仍然最真　一次錯的吻

當天的我不想結婚　只相告你已是我的情人
永遠你在似是陪襯　似是傳真挑選轉身　真的苦惱自尋
今天偷看他的女人　方知道你已是嫁給別人
暗裡我在眼淚微滲　眼淚強忍聲音有點震

永遠不去問從今天以往只會記掛　記掛在我心
明瞭越痛去愛對愛越真　深深印　你已是寄居我心 Woo

原諒

近排真係好唔開心
好似事事都不順景
唔知點解
當我心情落到最低點果時
總會想起呢首歌

唔經唔覺數一數手指
原來聽張震嶽的歌
已經是八年前的事了
那時我還是中五.....

中七時，曾經這樣的寫在icq info 上
「不同的心情會聽不同的歌
...
原諒　一首令我心情低落的歌」
詳細我寫了甚麼，我也不清楚記得了
只記得我列了幾首歌去代表我不同的心情
當我心情低落時，很自然便會想起這首歌...



作詞：張震嶽 作曲：張震嶽

我滿身的悲傷
慢慢地靠近到妳的面前
是我放棄夢想
沒有回答 熟悉的臉龐
感覺到妳絕望
最後的要求 答應我好嗎
我低頭不說話
還有沒有我要的原諒

我不再錯了又錯
只求妳真的接受
不讓妳站在窗口為我等候
可不可以再開啟心中的門
可不可以讓我再愛一遍
我不再錯了又錯
只求妳真的接受
不讓妳站在窗口為我等候
可不可以再開啟心中的門
可不可以讓我再愛一遍

感覺到妳絕望
最後的要求 答應我好嗎
我低頭不說話
還有沒有我要的原諒

我不再錯了又錯
只求妳真的接受
不讓妳站在窗口為我等候
可不可以再開啟心中的門
可不可以讓我再愛一遍
我不再錯了又錯
只求妳真的接受
不讓妳站在窗口為我等候
可不可以再開啟心中的門
可不可以讓我再愛一遍

可不可以讓我再愛一遍

南生圍

趁著有一日假期
我地約埋朋友一齊去左南山圍影相~
今次由我操刀
帶住400D周圍影
得到"名師"指點
我的攝影技巧好似進步得好快呢~ hehe~

逆光

替同事們farewell 時有人話想聽呢隻歌
好可惜，自己覺得Stefanie 首主打唔好聽
於是成隻碟都冇聽過...
聽到同事咁講
即刻返屋企搵黎聽
一聽就愛上~~~


http://up2.zol.com.cn/bbs_upload/upload/2007/03_23/1174643372741.mp3


逆光

作詞：廖瑩如
作曲：李偉菘
編曲：Martin Tang
製作：李偉菘

也許一直害怕有答案
也許愛靜靜在風裡打轉
離開釋懷　很短暫又重來
有時候自問自答

＃我不要困難把我們擠散
　我責備自己那麼不勇敢
　遺憾沒有到達　擁抱過還是害怕
　用力推開你或依然留下＃

＊有一束光　那瞬間　是什麼痛的刺眼
　你的視線　去諒解　為什麼捨不得熄滅
　我逆著光　卻看見

　那是淚光　那力量　我不想再去抵擋
　面對希望　逆著光　感覺愛存在的地方
　一直就在　我身旁＊

REPEAT＃＊

我以為　我能後退　反覆證明
這份愛　有多不對　背對著你如此漆黑
有種疲憊　睜開眼　打開窗
才發現你就是光芒

REPEAT＊

光芒　你是光芒



「感覺愛存在的地方　一直就在我身旁」
感謝!

張學友世界巡迴演唱會 - 香港站

年頭幾經辛苦買到飛
點知加場又加場...
早知唔駛咁早買啦~
幾乎坐0係山頂
不過舞台0係我地前面
都算係咁啦~

個show...真係好好睇
我地果場
學友話個台好slippy
點知佢真係差點"扇"親
仲有就係 encore 時段唱"分手總要在雨天"果時
唔記得左歌詞
哈哈...跟住大家都同佢一齊唱

呢個show 好似學友咁多年唱歌生涯的回顧一樣
有經典歌曲、有新歌、快歌、國語歌....仲有 mini 音樂劇添~!
仲要估唔到地八點三準時開場
我地差點兒睇唔到開場添呀!
聽返好多經典歌曲
先發覺原來我地都聽左學友唱歌好多好多年
仲記得小學、中學時的四大天王
果時個個都迷 aaron 的舞步、Leon 的王子look
只係得好少好少的同學喜歡學友唱的歌~
哈哈~ 不過我由始至終都覺得學友係唱歌最掂果個
由果時開始....已被學友的歌聲吸引~~~

今次演唱會分左好多part
有一part 係快歌，係俾人盡情咁去嗌~~~~
有一part 係賣性感
仲有一part 係講佢自己的
當然唔少得一 part 唱經典金曲
仲有就係唱人地0既歌
同埋一個雪狼湖的 mini opera

咁精彩的演唱會
我梗係帶埋12x 相機去影相啦~
點知影到 mini opera 部份
有個 secure 竟然行埋黎話唔影得
我當時感覺莫名其妙
但係亦都唔想影響左我睇 concert 的心情
所以都收起部機
不過事後發現前面有人拎住部 DLSR 加長鏡0係度狂影
我就覺得越黎越奇怪~
唔知係咪果D secure 覺得我部係錄影機呢?!
不過的而且確，我果部係有D 似錄影機
好可惜我對錄影冇乜興趣
更何況我坐到咁後，就算錄0左都冇咩好睇
究竟係我部機太勁令佢地覺得我可以盜錄丫?!
定係 D secure 對於新科技的知識太過貧乏呢?!
其實要盜錄，都唔一定要用部錄影機
只要一部手提電話就夠啦~

encore 到十一點半...
好勁，唱左九個字 encore
encore 時段唱的歌場場都唔同
都幾值得聽架~~~






要講妳知　妳的意義....


雪狼湖 mini opera

我不愛

有幸入到semi-final
緊張程度比上次還厲害
去到呢個位先輸，我確實有點兒輸唔起
不過也得接受現實吧~
開頭太緊張所以走音
但係對自己的高音部份感到很滿意
第一次入到semi-final
算做行前多一步了!

http://music.nx.cninfo.net/gequku/sunyanzi_28.mp3


歌手：孫燕姿

曲︰陳科妤
詞︰廖瑩如
編︰TERENCE TEO

你消失了　愛消失了
跟隨的我去哪裡
我想過要放棄自己
說放棄要放哪裡

愛已經讓我認識我自己
在眼淚流下的味道裡
感覺不到你　才知道丟了自己

＊我不愛　不能愛你給的未來
我不愛　不能愛你離開了我的現在
離開現在不回來　OH
再等待等什麼　沒有你沒有愛存在

誰陪過我　無聲哭泣
在我最糟的夜裡
你肯定我所有的努力
最難忘那句　我了解你

一切轉變了　推翻了過去　空白傷害
錯　會在哪裡　我想我在哪裡

我不愛　不要愛悲傷的存在
我不愛　你不在還以為能繼續的愛
以為再也回不來　OH
再等待等什麼　我不知道如何再愛

重唱　＊

風箏

2007 HSBC Singing Contest Preminary Audition 參賽歌曲
唱得不太好
不過他們都認同呢首歌果key 最fit 我把聲
選歌方面確實係冇問題
最大問題應該係心理質素不夠好吧~




歌名:風箏
作曲:李偉菘, 編曲:吳慶隆
監製:李偉菘, 填詞:易家揚

我不要將你多綁住一秒　我也知道天空多美妙　請你替我瞧一瞧

＊天上的風箏哪兒去了　一眨眼不見了
誰把它的線剪斷了　你知不知道
從前的我們哪兒去了　路太遠我忘了
如果你想飛我明瞭　你自由也好

＃我不要將你多綁住一秒　我也知道天空多美妙　請你替我瞧一瞧

重複　＊，＃

看你穿越雲端飛的很高　站在山上的我大聲叫喔...
也許你呀不會聽到　把夢想找到要過得更好

我不要愛情的低潮　我會微笑眼淚不准掉
我很好後來的你好不好　你會知道我沒有走掉　回憶飛進風裡了

天上的風箏哪兒去了...

靠近一點點

近排狂煲《惡作劇之吻》
連帶劇集內的歌曲也一併download 了下來
不禁驚嘆原來不止日本的電視劇才有好歌出產
連台灣也有這麼高的質素
為何香港要沿用日本甚至歐美流行曲作電視劇配樂呢?!
難度香港真的沒有這方面的人才嗎?!

劇中其實有好多首歌都好好聽
前排就聽緊湘琴同直樹結婚時果首歌
呢排呢...就聽緊呢首喇~

呢首歌係描述湘琴越戰越勇的歌曲
聽呢首歌果時
不其然令我諗返起劇中女主角如何執著、堅持
即使遇到挫折，也永不輕易放棄
就如劇中男主角所說「也許這就是她的優點吧~」
雖然她所有的目標與夢想都是圍繞住一個人而出發
但她那種全情投入
那種不到成功永不言敗的精神
實在是我久違了的...

自從畢業找到工作以後
已經整整兩年了...
在這兩年間，好像甚麼都"睇化"左
說甚麼目標、理想嘛?!
倒不如實際一點，想想有甚麼方法可以早點逃離工作吧了
以前會為左考好會考而搏命讀書
會為左first hon 而事事拼搏
現在嘛?! 足足兩年我都唔知自己在做甚麼...
我的拼搏精神似乎被摧殘了
我的執著與堅持，也漸漸被「睇化」取代了
看完這齣劇，聽完這首歌
不但令我想起校園生活是那樣的多姿多彩
還令我深深的感受到全情投入去做一件事的樂趣
那怕只是為了追求一個得不到的男孩子...

有目標真的比沒有目標快樂和幸福
以前覺得身邊的女同學們長大後的目標是為了當家庭主婦太無大志
但原來再簡單的目標
只要投入去做好，也會很快樂
總好過每日漫無目的地遊遊蕩蕩...


http://video.uusee.com/vod/yideng/265/9fd28429ec54039d14f4a83f108c7db4.MP3

默默在你的身後守候的我
多想看你不經意的笑容
或許我的心你不懂 我努力讓你感動

在你眼中有多麼笨拙的我
決不放棄追逐你的執著
只要你能再多些回應我
一個笑或點頭全接受

能不能再靠近一點點
大聲說出你所有感覺
別再緊緊關在只有自己的世界
溫暖太陽為你迎接

能不能再靠近一點點
能不能再勇敢一點點
就算讓我知道我永遠只是單戀
我也會藏著感謝 笑著和你說再見

*repeat all

離家出走

再次聽起這首歌
是因為上次去旅行的時候
有團友以鋼琴彈得很動聽
再度引發我對這首歌的興趣...

估唔到...
在不久的今天
我竟然覺得此時此刻的心情
能夠由這首歌道出
如果可以拋開一切環遊世界
那感覺是多麼的美好!



歌手：衛蘭 作曲：雷頌德 填詞：林夕 編曲：雷頌德


豁出去漫遊　不通知親友　那快感少有　哪管想去多久
抱得你未夠　於這裡悶透　才誓死跟你　逛盡地球

何必每件壯舉都需要理由　伴你去出走
快活而內疚　不管舉世追究
願扣上你雙手　自繁華浪處到沙丘
戀愛　能有幸這樣放肆至足夠

別再管誰咒你　曾經荒謬闖蕩異地
亦未枉相戀超出煩惱的禁忌　視世上人不理
想早晚能見你　曾經反叛　也是我運氣
天與地　年老了不再飛　無那份勇氣

怕一世未能　沙礫中擁吻　有了你先有　這最淒美質感
縱使有地震　不因我犯禁　誰話你壞人　不減吸引

明知我做錯過的總要奉還　但我愛一眼
有自由浩嘆　都深刻過不散
讓你我似走犯　在窮途入教堂進諫
上帝　求你讓我共愛侶過更多晚

代價高仍愛你　曾經荒謬闖蕩異地
亦未枉相戀超出煩惱的禁忌　視世上人不理
想早晚能見你　曾經反叛也是我運氣
天與地　渡過約束　拋開生死

這樣也許了不起　但有一日轟烈乏味
就讓彼此都別戀他人也不忘記　別個再沒法比
瘋過後能放棄　回家安樂過亦有運氣
不顧忌　才了解喜與悲　能以後銘記
人有天總怕死　才註定別離




這是我第一次把歌曲和相片融合起來
因為歌曲能夠反映我的心情
而相片正好具體化了我的感覺
今次的長假期，正好給予我一個「離家出走」的機會
我逃走到哪裡?! 那就要考考你們的觀察力了!

東歐第二天

hehe~ 今日開始寫遊記果時唔記得左第一站去左邊
結果....................v.v"""

~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.

Second Day in Europe

"第二天吃過早餐就出發。酒店的早餐也非常豐富,而且仲好好味添! 第一站我地先去" <-- 今天的遊記就係得咁多...


冇錯! Hotel Budapest 的早餐真係好豐富
可以話係八日以黎最豐富的早餐
食過早餐我地就開始我地0係布達佩斯的行程喇~
第一站係去好出名的"漁夫堡" (哈哈...咁靚我都居然唔記得左!)
據說係因為當年有好多漁夫義務幫手建呢座"堡"
所以命名為"Fishermanburg"
呢度算係新式建築
所以到處都好靚





不過歐洲有個特點
就係好多教堂
而呢D 教堂好多都係用石灰建成的
好靚就係好靚喇~ 因為好雪白，好光亮
好可惜因為好容易變黑
所以長年累月都要清洗
結果我地去每一個景點，都見到有人搭晒棚0係度洗石灰
睇黎想見到雪白無暇的建築，機會率都近乎零lu~


清洗中的教堂


跟住我地就搭車去隔離的布達皇宮區
其實歐洲的皇宮唔算太靚，冇乜特別
反而有一D 特色的建築可能仲靚
不過呢個算係幾有名的景點
亦係文化遺產之一
所以都應該黎睇一睇~




相傳好似話隻鷹救左布達佩斯，所以週圍都見到呢個銅像

To be continued...:p

東歐之旅第一天

返到黎香港之後
個i-cable 就short short 地
搞到我呢排都上唔到網
尤其upload 野
都仲係斷下斷下，upload 唔到
不過0係東歐旅行期間
我都會抽返一點時間出來寫遊記
所以今次post 出來的遊記大部份都係當時去旅行的心情
比起後期製作更真實呢~ v^_^v

不過相就可能遲D 先有得睇喇~
希望快D 可以upload 到野，到時就可以同大家分享!

~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~

First Day in Europe

終於到達維也納喇!!!
行程的第一天主要是坐飛機和坐車為主。
坐飛機坐得好辛苦呀!在香港起飛已經係零晨兩點,坐了八個鐘先到達多哈,在多哈機場又要等三個鐘先轉機去維也納,仲要再坐多六個鐘機...

原來坐長途機真係幾辛苦架,不過唔覺唔覺咁就過了一日一夜,仲食左兩次早餐,去到維也納已經係香港時間夜晚七點喇!

原來已經搭了一整天飛機,但係去到維也納先係當日的下午二時,感覺好爽,好似賺了好多時間咁樣。
諗起在香港返工的時候,呢個時間應該做完一日工作準備放工喇!
諗起在香港每日辛勤工作,而家身處維也納的我感覺好辛福。

到達維也納,我地就即到坐車上匈牙利布達佩斯,又要坐四個鐘頭車,去到已經係黃昏喇!
沿途我地見到一大片黃色的油菜花田,好靚架!

仲有好多好多風車...

歐洲的風景真係靚好多,起碼我嚮往的藍天白雲又重現我眼前了,真係令人心曠神怡。


去到布達佩斯的第一個景點就係好似太平山的蓋爾斯堡。
上到山可以見到「布達」、「佩斯」的全貌,仲有多瑙河、鏈橋等的風景。
個城市全景真係好有懷舊風貌,而且甚有氣勢,呢種感覺只有親身體會才會感受到,無論我影幾多張相,都影唔返果種感覺...



之後我地就去食晚飯(今天無食過午餐)。晚飯係五餸一湯,白飯任裝,好可惜我已經唔想食喇,淨係想sleep。
那時已是香港時間十二點幾喇!

食過晚飯就返酒店,幸好今晚可以早瞓,要瞓多D先得!

----------------------------------------------------
Hotel in Budapest: Hotel Budapest (HaHa~)



間酒店都幾住得過架
雖然冇咩特別設施
但係入面乾乾淨淨，床又夠大，景又幾好
都算係一間唔錯的酒店!
吃早餐的地方亦都好舒適，風景又好好
亦係我地食咁多餐早餐中叫做最好的一餐~! 唔錯!

濕地公園

買左部相機返黎都未試影過~
今日特地去濕地公園玩相機
仲試玩阿Sir 噚日教的超焦距影法
今日實在玩得好開心呢~~~



呢張本來係影小瀑布，影黎影去都影唔好，皆因我唔係好識用部相機...
結果等到有遊人行過，影埋佢地，個感覺就冇咁死板喇!


小花花
係我試影 macro 之作!



呢度係最靚影的地方
有破舊小船，有長長的橋，有綠色草地...



紅色果D 係爆槳花呢~



行到入去觀鳥屋
發現好多窗外都係蜘蛛網~ 勁呀!!!
好多蚊俾蜘蛛網整死添呀!
原來隻蜘蛛0係度~ 一定要影低佢做證據!!!




超焦距影法
前景同無限遠景都係咁清楚!




呢張係影我的相之中最靚果張
感謝人地幫我影左咁多相!

月球上的人

在收音機聽了數次
突然間便喜歡上了這首歌
我諗最主要係呢首歌俾我果種意境同感覺
講到人類好渺少，但係自己又抽離唔到戀愛的迷網
看似睇得好開，其實卻耿耿於懷
人始終是人嘛
如果每個人都可以看得開，咁世人都成佛了~~~

很喜歡副歌的一句: 從未來再見
如果真的有來世，相愛的人又是否可以再見呢?!



歌手：陳奕迅 作曲：蘇耀宗 填詞：林若寧 編曲：王菀之

無須要快樂　反正你一早枯死
如果有眼淚　只不過生理分泌
就算淚水多得　可灌溉整片濕地
蒲公英不會飛　陵墓裡伴你於一起

如果有再會　恐怕已經一世紀
回憶哄騙我但凡失去也是美
共你一分鐘　都足夠我生醉夢死
如懷念也是有它限期　明日我便記不起

*從未來再見　遺憾舊時不太會戀愛
願我永遠記不得我正身處現在
從月球觀看　難辨地球相愛跟錯愛
三世書不會記載　情繫我這半生的最愛
( 三世書不會記載　誰為某某歎息感慨 )*

時空太過大　超脫我的喜與悲
能戀愛過後　自然參透到命理
就算一雙手　只擁抱你的紀念碑
流離在某日某天某地　仍自覺共你一起

repeat*()

再見　仍舊未能跟你再戀愛
但你與我有過的過去　牽涉後代
從未來觀看　潛伏萬年的野史記載
不理它小愛與大愛　人類太過渺小的最愛

昂平360

今日帶病去左昂平360
冇法啦~
鬼叫自己買左飛咩!
不過真係病到好辛苦
喉嚨好痛下
好彩今日好返少少ja~
唔係就玩得唔開心喇~~~

This album is powered by BubbleShare - Add to my blog

新入侵者...

最近我公司的臺面多左一樣野
係同事的手信
佢好鬼得意架...於是我決定幫佢影相喇~~~!

 


大家睇下~
我隻狗狗望住我條魚魚呀!!!
條雞泡魚就係我的新手信...


朋友們的comments:
「你隻狗好似見到一個陌生人咁呀!」
「你隻狗係咪太肚餓，想食左條魚呀??!」

哈哈...
都係唔講咁多
俾大家聯想下我隻狗想點啦~~~

第一次外影

攝影course 的第一次外影 - 志蓮淨苑

好多相都係阿Sir 叫我地影0既相
而且係有 purpose 地影
例如試下大光圈同細光圈的分別啦~
仲有試下macro 同spot metering
不過我部prosumer 機仔都未做到咁多function
尤其細光圈同大光圈的分別都不大
所以去到都係玩下構圖、取景最實際

第一次外影的作品:

This album is powered by BubbleShare - Add to my blog

愛一個上一課

Joey 改變歌路之作
今次又唱得幾好喎~~~
話時話，我覺得呢個style 有D 似當年彭羚個style
真係估唔到容祖兒會唱呢類型的歌
因為真係幾難唱
同現在容祖兒的歌路又相差十萬八千里
咁樣一變，風險都幾大
不過唔變，我都未必會繼續聽她的歌...

唱呢類型的歌始終唔係容祖兒架輕就熟果隻
所以聽起黎總係覺得唔夠jazz 味
可能佢聲底亦都唔係太適合唱呢D 歌
所以要改變歌路，還有待改進
不過首歌出來的效果不錯
顯然錄音時花了一大番功夫
呢首歌的jazz 版絕對值得大家聽一聽
如果Joey 唱得好D，應該會更有味道...


original version: http://wma.54tk.com/11/98/3.wma
還未找到 jazz 版，不過 original version 不是我所推薦的版本~


愛一個上一課

歌手：容祖兒 作曲：藍奕邦
填詞：林夕 編曲：Jim Ling@Zoo Music

像有感情　到天星　看風景
他似無還有偏卻　不承認
為了此人　算初戀　太高興
失去承受更悲傷的本領

然後遇著　我至今的經典
曾緊張得似應戰　一晚渡無限風險
然後漸漸　沉重到　不願見
人會變　情會厭　從沒甚麼保險

＊誰擔保可不可　有一個愛一個
　為何我不可　值得好點結果
　即使悔恨又如何　別離得多不痛楚
　其實帶淚都該慶賀　失戀不怕多

　多得天的許可　愛一個上多一課
　自由也不錯　被吹熄的愛火
　光影總算照亮過　想開心如何懶惰
　無謂算盡機關只要情動　也不敢錯過＊

逃避寂寞　期待吃喝玩樂
談得多戀愛更覺　不領會何謂快樂
誰是玩伴　誰是愛的幻覺
誰與我　能永遠　留在夢中天國

REPEAT＊

My Blogger

我個blogger 早排被人block 左
話我個blog 係spam blog....T_T
等左一排佢先幫我開返~ gap!!!

用左差不多成三年喇~
而家先黎block
有冇搞錯!!!

燒煙花~

香港已經唔俾燒煙花喇~
澳門亦只係新年先有得放...
於是...今個年初三...我地決定過大海放煙花!!!

去片!

下午玩的煙花夠響就夠
最好就係燒爆槳，勁大聲呀!
下午我地都有玩和平煙花同埋龍吐珠...可惜乜都睇唔到~

玩左一個鐘度就走左
去左漁人碼頭食左個gap 晚餐
之後又返去放煙花喇~~~


呢個煙花係最大果隻
好好玩呀!
好靚呀!!!

哈哈~
我第一次玩煙花ja~
初初玩都幾驚，玩玩下就越玩越覺得好玩喇~~~
下次一定要再去放過呀!!! yeah!!!
好開心呀!!!

士多啤梨園

post 張地圖俾大家睇~
就係話俾大家聽今日我們的行程係去....
打鼓嶺!!!

其實我地都唔知個士多啤梨園0係打鼓嶺
只知道係粉嶺再要搭車入去
估唔到我地搭完小巴落左車之後
行下行下就見D 地方寫住「打鼓嶺」
如果今日凍D 的話
我地咪會見到結霜囉??! :p

By the way, 今日去左摘有機士多啤梨~
一行入個士多啤梨園
就聞到好大陣士多啤梨香味喇~
好想即刻摘佢地黎食呀~


我開始摘士多啤梨喇~ 好好味咁呀!!!
See~ My 新眼鏡 look 呀!
我副新眼鏡第一次0係 blog 度出現~ 都換左成個幾月喇~~~
大家認唔認得我呢??! 今次呢張仲見到佢變色添!!! 勁!



收獲好豐富呀!
D 士多啤梨又甜又香，好味道呀!!!


最後仲有我個 A1 生日蛋糕
D cream 真係好味道!!!
食左十幾年都仲係咁好味!!!




摘士多啤梨過程:

好久不見

前排聽到電台說學友又有演唱會喇~
不過第一站0係拉斯維加斯...-_-"
跟住仲話會送飛送酒店俾聽眾去睇添~~~
嘩....勁羨慕呀!!!
如果我有咁0既機會去睇去玩就好喇~

「好久不見」係學友最新大碟兼演唱會的主題歌曲
所以呢排幾乎日日都0係電台聽見
不其然又會令我想起佢個演唱會...
尤記得小時候四大天王之中
身邊的同學冇一個係會話"我偶像係張學友"
雖然果時我都覺得黎明好靚仔、郭富城好吸引
但係始終我都係覺得學友唱歌先係最好聽...
畢竟他們是歌手嘛~
聽歌聽歌...我只是聽他們的歌~~~

最近聽說有同事分手了
不禁令我覺得男女感情是多麼的脆弱
眼見那同事常常也會記掛著對方
亦沒有聽見過他們有吵鬧的時候 (還是我不知道?!)
只是大家都覺得那位同事對他的伴侶是很體貼的...
沒想到突然間會接到這個消息
我估當時人一定更覺得突然吧~

唔知點解我一聽到呢首歌
就好想將呢首歌送俾佢聽~
「也許　一天再相逢　說聲好久不見　沉默了」
還是不要太介意現在吧~


http://music.tl163.net/好久不见.mp3
http://58.211.1.24/0097/0615/blueguo2/Music/644c912f-7820-4864-bfc1-f47d4a214a99.mp3

好久不見
詞/曲：易桀齊


也許一天再相逢
說聲好久不見
沉默了

曾經我打聽過
你最近的生活
忙碌工作之餘是否有運動

今天和昨日不同
我不在你身旁
不甘寂寞的你是不是很難過

至於我過的
還不錯 不如以前瘋
那一家迪斯可我再也沒去過

*天涼了 掛念了
有從前還是好的
這熟透的臉孔
我還真的捨不得

和你的 記住了
雖然將來會塵封
也許一天再相逢
說聲好久不見
沉默了 *

我希望是一片雲朵
飄到你的天空
安安靜靜地望著你是否快樂

只能這樣了
不打擾 你平靜生活
親愛的我在這兒祝你平安喜樂

repeat **

大傻

已經好耐冇聽新歌喇~
呢首歌係睇勁歌季選果時先第一次聽
一聽就好鍾意喇~
D 歌詞作得幾好
尤其係由楊千樺唱出黎
果種大無謂的感覺完全能夠表現出黎...
如果我的想法都好似呢首歌講得咁簡單就好喇!
起碼唔駛煩咁多野啦~


http://disk.feelroom.com/userup/kensl/大傻(CD%20Version).mp3


大傻

作曲: Eric Kwok
作詞: 林夕
編曲: Eric Kwok
監製: Eric Kwok

幻想 與他沿路大聲販賣
毛公仔彷似愛海無涯 被追趕也像情懷
也幻想 與他常為幸福自大
何必想舉債 那管要吃齋 歲月縱使難捱

傻瓜一點看 我們還有手仍能拖夢仍能造眼仍能看心仍能開
找到笑的理由 辛苦不算醜
我們還有嘴仍能親事仍能做戲仍能看歌仍能聽
天涯陪著走 屋雖細 有自由 不需品 懶擁有

沒錯 奇情從未及朱麗葉 奇蹟怎麼會夠汪明荃
仍可掌快樂大權 我自信
凡事樂在屬於自願
夢想不想遠 也很怕氣喘
撲入最高集團

* 傻瓜一點看 我們還有手仍能拖夢仍能造眼仍能看心仍能開
找到笑的理由 艱苦不算醜
我們還有嘴仍能親事仍能做戲仍能看歌仍能聽
天涯陪著走 家雖細 有自由 錢雖少 有溫柔 (無需要副手 也交到好友)
*

難有便別有 真不想折壽
能有才願有 不想與壓力互鬥 放浪地扮

Repeat *

誰都想很富有 誰都不必富有 仍有蜜運同遊 分享過 這地球




是否只要任何事都「傻瓜一點看」就會開心呢?!
是否只要「心仍能開 找到笑的理由」就任何事也可以不理呢?!
「我們還有」的時候，是否就不應該去要求那麼多呢?!
......
我相信「凡事樂在屬於自願」
亦享受「家雖細　有自由」「錢雖少　有溫柔」
其實「仍有蜜運同遊 分享過 這地球」已經是一件很幸福的事...

除夕夜倒數

除夕的晚餐
好可惜芝士始終燒唔滾
最後唯有食火腿及麵包
將D 肥牛同薯仔拎去炒~

跟住匆忙的到了奧海城倒數
成個奧海城封晒
"dull" 左好大段路仲要亂過馬路先成功到達倒數現場
只係緊緊趕到
勁呀!


奧海倒數其實並沒有很濃厚的氣氛
可能節日就是這樣吧~
沒有合適的環境、合適的人，根本就不值得去慶祝
倒數完畢人群就散去
我地等少人D就在附近影左一陣相
再去飲左杯野就返屋企lu~

好大杯野飲呀!