愛難說

陳慧琳呢一首歌我一直都好鍾意好鍾意
以前唱親K 都會拎黎開聲
記得果時因為阿爸拎左隻"打開天空"CD 碟返黎
於是我就狂聽入面D 歌喇~
呢一首...就係我最鍾意的一首

呢首歌應該係陳慧琳初出道的歌
記憶中冇plug 到落第一張個人大碟添~
不過第一隻精選碟入面就有~
但係0係佢出第一張個人大碟前我已經好鍾意呢首歌喇~~~
好可惜冇plug 到出街
我一路都覺得佢唱呢首歌唱得好好聽ga!
一出道就有咁0既成績
令我好佩服~~~

到左而家我都仲覺得呢首歌好好聽
kelly 唱歌係有D 水準喎~~~



愛難說 陳慧琳　　

曲:雷仲德 詞:潘源良 編:蘇德華

想跟你說 仍難自決
明知道你 投向幻滅
你的慾望 偏愈強烈
想跟你說 無奈未說
男人眼裡 情愛事業
原是各自 永不妥協

曾努力過 不須抱歉
曾挫敗過 仍能盡力
別想太多 暗裡徘徊
心中始終 你最出色
能愛著你 此心已決
誰再願意 尋尋覓覓
萬千句子 真真切切
說的或不說的

假使我說 會否真的
重新奮鬥 重建實力
還是看作一般見識
想跟你說

想跟你說 無奈未說
男人眼裡 情愛事業
原是各自 永不妥協

甜品buffet

今晚終於去左帝苑食甜品buffet 喇~
幾難先book 到位
好彩加左一場jei~

去完觀禮之後有少少時間
於是上左以前住開的地方懷緬下~
今次揀左"穗禾苑"
因為起果度會多D 野行多D 野睇~
果度變化唔算好大
所以令我記番起好多好多舊時細個的回憶...
不過果時太細個喇~
其實記得的都好有限
慶幸呢個地方我真係好鍾意
所以有好多回憶我都仲好深刻!

夜晚就出左去食甜品buffet 喇~
D 野都幾好味
不過你問我有乜野最值得推介
我又真係諗唔起喎~
今次呢個係我最favourite 的芒果甜品buffet
樣樣都幾好味
係有幾樣覺得太甜囉~
不過好多都係好普通用芒果做出黎的甜品
冇話有D 好特別的款式
但係又唔會話唔好食~!
整體黎講算ok 啦~

最記得有個叫"印度芒果撻"囉~
細細個咁好得意ga!
入面有D 白色的好像cream 的物體
唔知咩黎...
酸酸地唔係太甜...個感覺好清新
所以成個都好好味
仲可以一口一個添啊!

初頭係咁食
都唔記得左影相
到見到人地0係度影
我先發覺我都有相機影相ga!!!
於是就係咁拎部相機出黎玩喇~ 哈哈~~~

仲有一樣甜品我覺得幾得意的~
就係個可以自己溝的西米露bar~
所有配料都係自己鍾意落幾多就幾多
好好玩~ 哈哈~

其他甜品仲有燕窩燉蛋啦~ 焦糖燉蛋啦~
蛋撻仔啦~ 芝麻芒果蛋糕啦~ 芒果麵包布甸啦~
芒果朱古力moose 啦~ 芒果千層啦~
雪糕啦~
仲有兩杯仔...一杯好似焦糖的，另外一杯好似叫"芒果白酒甜飯"
D 甜飯幾好味啊! 哈哈~
仲有少少鹹點~
我地都係食香腸多...不過我見D 雞翼都幾靚~

果度環境幾好
雖然細細地
果然係'The Balcony'
不過氣氛同情調都好好~
後面個cusion 令我坐得好舒服
好開心~!


以前細個住0係度，屋企個窗就係望住個咁靚的景喇~~~ (不過應該唔係呢邊...係新城市廣場果邊...有D 出入)


兩小杯，左邊果杯係甜飯，右邊果杯底下果D 係朱古力，上面果D 係 moose~


呢個就係我溝出黎的芒果涼粉西米露喇~~~ V^_^V
好彩唔係好甜...好好味啊!!!


呢種係我好鍾意食的朱古力
估唔到起呢度都有得食!
所以最後我地都要拎黎食~
不過食之前梗係玩一番先啦~
我影得靚唔靚呢~~~

手作人之店

前排同阿琮阿Mei 傾開
話見到呢間雪糕店的雪糕勁大個
好想去試~
於是趁住今日我要出去買wireless router
就順便出去食埋雪糕喇~

呢間"手作人之店"所標榜的不單止是大大個的雪糕球
還有skim milk 同自家製的雪糕
名符其實集各家之優點於一身!

我同阿琮每人叫左兩個大球
一個大球十蚊
加多個球四蚊
十四蚊勁大的雪糕
勁抵!
食完飽到上心口
真係勁大個!

我果個係芒果熱情果同埋?酒提子
阿琮果個係石板街同埋牛奶紅豆栗子
本人覺得芒果熱情果最好味
因為我好耐都未食過有"芒果味"的芒果雪糕喇!!!
?酒提子都好好味~
不過D ?酒有D 似藥水味
好彩我自己就接受得黎
因為在我黎講果隻味似酒味多D
所以我都覺得好好味啊!

阿琮果杯就麻麻
本人唔喜歡食石板街
主要係因為以前屋企次次都買石板街黎食
食到我厭左~
牛奶果隻又冇乜牛奶味
可能我唔鍾意呢隻牛奶味啦~
所以感覺上唔係好好食~

呢間雪糕店起西九係做擺檔形式的
好似中港城仲有一間
係店舖形式的
我都覺得值得推介一下俾大家去試~
好味兼抵死啊!!!
不過好多人排隊呢~!!! :p


阿琮果杯
上面係rocky road
下面係牛奶紅豆栗子


我果杯~
芒果熱情果勁大個啊!
真係好好味啊!
下面?酒提子都勁正!
快D 去試下啦~

向全世界說愛你

上次因為種種原因而冇post 到
今次一定要 post 番!


向全世界說愛你
歌手：許志安 | 作曲：Junichi Inagaki
填詞：張美賢


＊全世界也安靜　為了聽我宣佈
　從前我最想找的已經遇到
　全世界也感動　我真心我真意
　同誠意送上祝福兩相偕老＊

有你便有最好　心因你自豪
同行共上路　有多驕傲
愛完全給你　亦同樣得到
動情原是極美的消耗

＃每一個羨慕　我都感覺到
　向憂鬱苦惱寫句號
　印於這路上　沒前後的腳步
　心扣心由長夜吻到清早＃

REPEAT＊

愛共你探討　火跟你製造
情全面傾倒　放膽表露
我從前雖也　像條害羞草
講I love you　沒半點吞吐

REPEAT＃＊

來陪你引證此生愛可不老

Photo Flash

前幾日冇乜野做
突然諗起之前睇過的photo flash
覺得做得好好
自己都好想整番個
於是就拎起個Captivate 黎試下做唔做到喇~

點知唔掂尤自可
一掂就番唔到身喇~~~
本來只係諗住試下
點知就整左成日
都仲未整得晒~
要0係星期二先執掂個release 1 出街~
(哈哈...講到好serious 咁)

原本諗住以為搞掂啦~
點知睇睇下又發覺有D 相係必須要加落去
又手痕走去搞搞
結果到0左噚晚
又出左個release 2...-_-"

gap! 今次真係唔想再搞喇~
執著於微細之處
真係會有人留意到嗎?!
(此乃weaknesses...)
所以都係算喇~
大家睇得開心
我又睇得舒服就算喇~
最主要都係要黎記低我呢四年大學做過D 咩jei~~~

http://www.et20.5gigs.com/ULife.htm

開台喇~~~!

嘩~ 好開心啊!
開台喇開台喇~~~
我個web radio 終於開始首播喇~~~

其實一路都好想玩web radio
可惜總係覺得好難
雖然D 教學好似好簡單咁...
最麻煩係要server
我冇理由俾錢租個server 淨係為左玩jei~~~

今晚好朋友的一句
令我再次諗起web radio 呢樣野~
能夠將我個playlist 發放俾大家睇其實一路都係我想做0既0野
所以先會有呢個Musicblog 的產生
因為可以將我鍾意聽0既歌介紹俾大家

進一步就梗係即時的web radio 喇~
個互動性更大
雖然我唔會起web radio 度講野
少左我對呢D 歌的感覺0既描述
但係果一刻我真係想聽咩歌
就即刻放到俾大家聽
個感覺真係好得意~~~

今晚同好朋友一齊聽
我地一路聽一路講下呢首歌係邊個唱
又傾下呢首歌有幾耐
或者講下呢首歌令我地聯想起D 咩~
個感覺好得意、好好玩~
尤其個radio 係我自己host
只係一D 我鍾意0既歌先會拎出黎播
所以每首歌都可以講一餐~
聽到楊千樺+ 梁朝偉就諗起「地下鐵」
聽到黎姿就諗起「烈火狂奔」
哈哈...仲記唔記得呢套無線電視劇集呢?!
我以前好鍾意睇ga!!!
連重播我都有睇~

不過由於今次係試行
所以只係裝左起我lab 部機度
原來要起一個咁0既web radio 真係好簡單
我都只係用左一個鐘去search + install
咁就搞掂喇~
最麻煩係我唔識搞個firewall~ 哈哈~~~

如果各位CS 的同學仔想聽的話
可以去呢個網址: http://144.214.121.20:8000
不過由於lab 部機只係維持多一個week
所以18號之後就聽得一日得一日喇~~~
起lab 機被format 之後
我會考慮下起屋企起番個繼續玩0既~
不過就要睇情況喇~
各位有興趣0既就去聽下啦~~~ ^^

歐若拉 (Aurora)

呢首歌無端端俾我load 左落mp3 機
咁起去九寨溝的時候因為有好長的車程
所以loop loop 下就聽到呢首歌喇~

一聽之下
發覺呢首歌好0岩去旅行feel
尤其係九寨溝呢D 令我幾有感受的旅程
先唔講歌入面的歌詞
淨係聽音樂
就俾到我好有呢種感覺
唔知點形容果種感覺
或者係似一個人好自由自在地周遊列國果種feel 啦~

Actually 自從上次因為唱K 而開始聽張韶涵0既歌之後
一路都係聽住"Long Journey" 同埋"吶喊"
冇諗過呢首都咁好聽~
其實張韶涵0既歌聲真係幾好聽
值得我向大家推介一下
係近期新人之中最好的一個
可惜佢係台灣新人
而唔係香港新人啦~
香港已經好耐冇一個「唱得」的新人喇~~~ v.v

呢首歌其實我一路都冇留意過歌詞
直到我想post 上黎blogger
先睇到D 歌詞講乜~
Actually 去完旅行已經想post
不過可能忙於搞掂D 相同遊記
所以就冇心機& 時間去post 喇~
不過我覺得始終都係要向大家介紹下張韶涵
介紹下呢首我幾鍾意0既歌
因為佢D 歌真係幾好聽呢~ :p



歐若拉 (Aurora)
歌手：張韶涵 | 作曲：李天龍
填詞：施立 | 編曲：呂紹淳


神秘北極圈　阿拉斯加的山巔
誰的臉　出現海角的天邊
忽然的瞬間　在那遙遠的地點
我看見　戀人幸福的光點

＊靈魂在招喚
　唱著古老陌生熟悉的歌謠
　天空在微笑
　我的世界繽紛閃耀＊

＃愛是一道光　如此美妙
　指引我們　想要的未來
　魔力北極光　奇幻的預言
　趕快去找　不思議的愛

　愛是一道光　如此美妙
　照亮我們　勇氣的未來
　魔力北極光　傳說的預言
　原來就是　戀人的眼光＃

沉默一眨眼　一萬年外的光年
我相信　未來其實並不遠
哭泣的眼淚　也是喜悅的讚美
是因為　有你能展翅高飛

REPEAT＊＃

＠紅橙黃綠藍　五彩的歐若拉(Aurora)
　愛就在心中　相信就會　存在
　紅橙黃綠藍　美麗的歐若拉(Aurora)
　愛就在心中　相信就是　永遠＠

REPEAT＃＠

澳門畢業遊

經過連日黎的努力
(其實只係用左好少時間，只係冇乜時間搞& 好累)
終於將大部份已經放左出黎的相merge, select & reorder 左

Actually 我只係揀番晒D 靚相出黎
跟住再將所有相去排番個次序
不過原來都好難
因為實在有太多唔同人影0既相喇~
要逐張逐張睇下係邊個位真係幾麻煩~

不過依家大致上都做好喇~
希望global web 唔好死得咁密啦~

今次澳門之行幾開心
雖然只係短短兩日
好緊密的行程
但係就玩得好開心~

reorder 0左0既相基本上有晒所有行程景點
當然已經係順序啦~
而且係集合左"各家"之大成
(暫時爭Angel, 唔知仲有冇人未upload)
不過都已經有晒好多好精彩的相喇~
我諗...其實都好夠ga lar~~~ (擺明唔想做多次!!!)
哈哈~~~

澳門畢業遊之各家大成相


由東望洋燈塔望出去...就係成個澳門景喇~~
呢邊個海景係最靚ga lar~
其他都係樓景...麻麻地jei~


大三巴


唔知咩景點...-_-"
我地個導遊啦~~~~~~~~~~~~~~~~~~~~~~~~~


黎番個合照先~


十月初五街

星河感覺

前幾日搭搭下地鐵突然諗起呢首歌
之後返到屋企就開始將呢首歌加入playlist 喇~

um...幾好聽~
應該話聽到呢首歌令我幾開心~
許志安D 歌我一路都唔係咁鍾意
我諗最主要係佢唱得麻麻地
其實佢D 歌又冇乜問題0既~~

不過呢排我又真係幾開心
連最"燥"果日都係納悶左一陣子訓左一覺就冇事~
所以聽到D 開心輕鬆的歌
就會令我好開心喇~
hehe~

呢首歌有一句歌詞一直以黎都令我幾impressed
「玩樂時候能笑　站著時候能跳
現在才發覺這樣重要」
無錯~
有時放開一D 去睇下
其實我已經好幸福ga lar~
無謂為左某D 事而執著丫~~~
所以應該要好好珍惜每一個能笑能跳的時刻~!




星河感覺
歌手：許志安 作曲：雷頌德
填詞：林夕 編曲：雷頌德


誰告訴我將怎麼了
連語氣眼光都須要細選精挑
玩樂時候能笑　站著時候能跳
現在才發覺這樣重要

無法再放聲呼吸了
唯害怕快樂一樣快跑掉
就是時代完了　就是名字忘了
但是能看見你對我在微笑　我也懂得笑

＊原來這叫做感覺　我願意
　全憑這雪亮感覺　去預知＊

＃天空有顆星似你
　在我不遠處　已經閃進我日子
　從萬里無涯開始
　叫滿天風雨　停止＃

潮漲了也都可減退
誰也有美景不可再那種空虛
共聚時候陶醉　獨自時候憔悴
但是唯有當這是情趣

能疼你疼得心都碎
才抹去我命中未淌的淚
就讓門外門裡　活現甜蜜情緒
讓未來過去也有掛念憑據　你說對不對

REPEAT＊＃＃

試機之日

勁開心~!
新機落地
好想玩個夠~~~

於是今日就拎左部機落樓下影花
樓下平台有D 新花
睇起黎好靚
好想影下~

跟住就返左City 喇~
順便又影下City 啦~
橫掂都畢業喇~
都係時候影下喇~!
影左好多地方
都係D "著名" City 景點啦~
都冇咩時間再搵番其他鮮為人知0既路出黎
不過都算係咁啦今日
叫做影左幾多靚相喇~
哈哈~~~ v^_^v
謝謝你!



樓下平台的花花


著名景點之一，一到畢業就大家都黎呢度影相，你又認唔認得係邊呢?!


行上Hall 途中，竟然發現左D 菇菇...
好搞笑啊!!!


返到上Hall，梗係要影下我住的Hall 4 - "賽馬會群智堂" 啦~

新相機

噚晚買左部新相機
Canon S2 IS
超正
開機快
zoom 得近
手震都做得OK 啦~
超微距唔錯~
整體上可以話係好好下~
勁開心~!

呢兩日都好想出去影下相
不過都仲未有機會
所以都係影下我間房 D 野先啦~



12x zoom 加閃燈


超微距
勁清楚啊~
狗仔D 毛簡直係數得出黎~